web counter
LEXO PA REKLAMA!

SHKARKO APP

App Store
Google Play

E fundit!

x

Basha bën thirrje për mbështetje ndaj mjekëve dhe infermierëve/ Duhen vepra dhe jo fjalë

26 Gusht 2020, 07:51, Politikë CNA

Kryetari i Partisë Demokratike, Lulzim Basha ka bërë thirrje sot për një mbështetje dhe mbrojtje të veçantë nga shteti për mjekët dhe infermierët, ndërsa thekson se në këtë kohë pandemie rritja e pagave është jetike.

?Mjekët dhe infermierët tanë kanë nevojë për mbështetje dhe mbrojtje të veçantë nga shteti për shërbimin kolosal që i kanë bërë vendit, në veçanti në këto kohë pandemie. Rritja e pagave të tyre është jetike por ajo duhet të jetë reale dhe jo elektorale.

Shqipëria i ka të gjitha mundësitë për ti trajtuar me dinjitet personelin shëndetësor. Por kjo është e pamundur sa kohë që kemi një qeveri që i çon paratë e taksave të shqiptarëve tek koncesionet korruptive, dhe shpenzimet për shëndetin publik janë më të ulëtat në rajon.?-shkruan Basha.

Më tej, ai shkruan se PD do të anullojë koncesionet korrutpive dhe paratë sipas tij do të shkojnë për mbështetje ndaj bluzave të bardha.

?Ne do ti anullojmë koncesionet korruptive dhe paratë do të përdoren për mbështetje reale për mjekët dhe infermierët, me rritje pagash, me pajisje dhe kushte më të mira për tju shërbyer qytetarëve. Me planin tonë ne do të mundësojmë ndryshimin e madh në shëndetësi me paga dinjitoze të niveleve rajonale për ta: 1200 euro për mjekët dhe 700 euro për infermierët.

Kjo qeveri është treguar mosmirënjohëse me mjekët dhe infermierët edhe gjatë pandemisë. Pa asnjë vonesë tjetër, qeveria Rama duhet t?u japë atyre shpërblimin e premtuar prej 1000 euro. Stafet mjekësore janë profesioni më jetik i vendit. Atyre ju detyrohemi vepra dhe jo premtime te pambajtuara.?-shkruan kreu i PD-së.





Lajmet e fundit nga