E fundit!

09:21 Kronika

Vrasja e policit në Maliq/ Policia: I kërkuari fshihej në stan, hapi zjarr ndaj efektivëve

Policia e Korçës ka ndarë një informacion të detajuar lidh...

“Asnjë frikë për detin”/ Paralajmëron Ngjela: Është shumë e afërt dita kur…

27 Gusht 2020, 09:12, Politikë CNA

Avokati Spartak Ngjela ka reaguar mëngjesin e sotëm lidhur me çështjen e detit, pas deklaratës së kryeminisrit grek Kyriakos Mitsotakis.

Ngjela deklaron se shqiptarët nuk duhet të kenë asnjë frikë, ndërsa kryeministrin grek e quan fakir që po flet si pushtues i territorit shqiptar në Detin Jon.

Sipas tij, Shqipëria nuk ka asnjë rrezik ta humbë territor në Detin Jon, pasi thekson se Gjykata Kushtetuese e ka rrëzuar tani marrëveshjen e 2013-ës.

?Për Detin Jon. Asnjë frikë nuk duhet të kenë shqiptarët. Po, pse po flet kryeministri grek si pushtues i territorit shqiptar në Detin Jon?

Mos ia vini re, ai tani është një fakir. Ne, këndej nga Tirana, i themi sjelljes së tij: kërcen prifti nga belaje; sepse ka frikë. Ai kuptohet se tani ka shqetësim frike nga Erdogani dhe fregatat e anijet e rënda luftarake të Turqisë, prandaj mendon se po kërcënon me Shqipërinë. Asnjë rrezik nuk ka Shqipëria për të humbur territorin e saj në Detin Jon.

Gjykata Kushtetuese e ka rrëzuar tani marrëveshjen prej hajduti, për shitjen e kufirit shqiptar në Detin Jon, që bëri në vitin 2013 korrupsioni i lartë shtetëror. Sot nuk ka forcë që ta prishë atë vendim, se kompetenca e vendosjes, sipas kushtetutës, është Gjykata Kushtetuese e Republikës së Shqipërisë.

Në të njëjtën kohë, duhet vënë në dukje se, qeverisë shqiptare ia kërkoi këtë me ngulm dhe me forcë politika e lartë amerikane: ajo kërkoi me forcë prishjen e marrëveshjes së detit Shqipëri -Greqi me vendim të Gjykatës Kushtetuese. Prandaj, marrëveshje nuk ka më, dhe të korruptuarit e qeverisë së atëhershme shqiptare kanë ulur veshët e po rrinë me frikë, sepse SPAK duhet të fillojë procesin penal?, shkruan ai në rrjetet sociale.

Avokati paralajmëron se Greqia nuk ka për ta marrë detin dhe se dita e Shqipërisë për të tërësinë e plotë territoriale për Korfuzin, Çamërinë dhe Epirin, është shumë e afërt.

?Unë jam në dijeni të plotë të kësaj çështjeje, se kërkesën për Gjykatën Kushtetuese e kam firmosur vetë. Gjykata Kushtetuese e rrëzoi me nëntë vota pro dhe asnjë kundër marrëveshjen korruptive të Detit Jon. Grekët janë genocidistë, sharlatanë, antishqiptarë shekullorë dhe pushtues territoresh të gjera shqiptare.

Por, Detin Jon nuk na i marrin dot, siç na kanë pushtuar Korfuzin, Çamërinë dhe Epirin, nga Preveza e deri në Janinë. Gjithsesi, dardha e ka bishtin mbrapa, dhe kjo e sotmja është historia e Arbërisë që po rivjen. Nuk do të jetë e largët koha për ta fituar tërësinë e plotë territoriale e drejta arbërore. Madje, është shumë e afërt. Keni për ta parë…?, nënvizon Ngjela./ CNA.al