web counter
LEXO PA REKLAMA!

SHKARKO APP

App Store
Google Play

E fundit!

x

Plani i MAS për zhvillimin e mësimit/ Orë 30 minutëshe dhe shkolla deri me 4 turne

25 Gusht 2020, 16:04, Sociale CNA

Nisja e vitit të ri shkollor do të jetë ndryshe ng vitet e tjera për shkak të situatës së krijuar nga Covid.

Për të zbatuar protokollet anti-covid vendosur nga komiteti teknik i eksperteve, mësimi në disa shkolla do të zhvillohet me tre ose katër turne.

Drejtori i Agjencisë së Sigurimit të Cilësisë së Arsimit Parauniveristar Gerti Janaqi tregoi për Abc Neës se drejtuesit do të kenë mundësi të organizojnë zhvillimin e mësimit në shkollën e tyre dhe plani i detajuar do tu bëhet i ditur prindërve.

?Pjesa dërrmuese e shkollave e realizojnë respektimin e protokolleve. Nxënësit dhe prindërit do të njoftohen nga drejtuesit për të zhvilluar mësimin balle përballë. Në zonat urbane si Tirana, Durrësi ose zonat e prekura nga tërmeti klasat duhet të ndahen për të respektuar distancën. Mund të ketë shkolla që kanë një turn, mund të kenë dhe 2 turne, sigurisht orët e mësimit do të jenë 30 minuta, ashtu si mund të ketë raste të rralla në shkolla të dëmtuara me numër të lartë nxënësish ku mund të kalohet me tre deri në 4 turne?, shprehet ai.

Zbatimi i masave anti-covid me ndarjen e klasave dhe rritjen e kushteve higjeno-sanitare sipas specialistëve kërkon mësues dhe fonde shtesë, por ende Ministria e Arsimit nuk ka përcaktuar numrin e arsimtarëve dhe buxhetin që nevojitet./CNA.al





Lajmet e fundit nga