web counter
LEXO PA REKLAMA!

SHKARKO APP

App Store
Google Play

Zjarri në malin e Taraboshit/ Flet shefi i forcave zjarrfikëse: Nuk na duhet ndihmë nga ajri

22 Gusht 2020, 14:08, Sociale CNA

Një zjarr masiv ka përfshirë pasditen e sotme malin e Taraboshit në qarkun e Shkodrës, duke rrezikuar edhe disa banesa që ndodhen në afërsi.

Për këtë ngjarje ka folur edhe shefi i forcave Zjarrfikëse në Shkodër Agron Dibra, i cili tregoi se për momentin nuk është nevoja për ndërhyrje nga ajri.

Ai tha se paralelisht me këtë vatër është njoftuar edhe për një vatër tjetër zjarri në pyllin me pisha. Sipas tij, të dy zjarret janë shkaktuar nga dora e njeriut.

?Në këto momente besojmë se po e vëmë në kontroll. Jemi njoftuar rreth orës 13:14 për dy zjarret një Tarabosh. Kemi dërguar forcat zjarrfikëse. Kemi kërkuar ndihmë edhe nga Malësia e Madhe dhe Vau i Dejës. Sipërfaqja është e madhe. Dhe për shkak të erës dhe thatësirës rrezikohen.

Po shpresojmë të shpëtojmë fshatin dhe të bëjmë të mundur izolimin e zjarrit. Për momentin nuk duhet ndihmë nga ajri. Janë katër automjete zjarrfikëse. Pa dyshim janë shkaqe njerëzore, por e qëllimshme apo e paqëllimshme do e nxjerrin hetimet. Por temperaturat në këtë gradë nuk mund të shkaktojnë flakë?, u shpreh Dibra./ CNA.al





Lajmet e fundit nga