web counter
LEXO PA REKLAMA!

SHKARKO APP

App Store
Google Play

Vdekshmëria nga Covid, e njëjtë me vendet e tjera/ Pipero: Plazma jep shanse mbijetese

20 Gusht 2020, 18:35, Sociale CNA

Vdekshmëria në Shqipëri prej Covid-19 është njësoj e krahasueshme me vendet e tjera.

Është kjo deklarata e mjekut infeksionist, Pëllumb Pipero, i cili shton se në repartet e terapisë intensive është më e lartë, por sipas mjekut, kjo duhet analizuar në një moment tjetër.

?Vdekshmëria në Shqipëri, në spitalet tona është e krahasueshme edhe me vendet e tjera.  Natyrisht nëse i referohemi vdekshmërisë në repartet e terapisë intensive tek ne është më i lartë, por kjo është një situatë që duhet analizuar në kohën e duhur. Sa i përket vdekshmërisë në spitale nuk më rezulton që të jetë me lartë se në vendet e tjera?, tha Pipero, në një lidhje me TV Klan.

Pipero parashikon që situata me infektime të larta të vijojë deri në javën e dytë të Shtatorit. Shkak sipas tij është sezoni veror dhe mosrespektimi i rregullave.

?Është e vështirë të bëjmë parashikime. Unë besoj që deri nga fundi i gjysmës së parë të Shtatorit situata do të jetë pak a shumë e njëjtë dhe mandej të shikojmë. Them kështu sepse ekspozimi vijon të jetë i lartë qoftë për shkak të pushimeve dhe mosrespektimit të protokolleve?.

Mjeku komentoi edhe terapinë me plazmë që do të përdoret së shpejti në spitalet tona për pacientët e infektuar. Për Piperon kjo terapi është një shans më shumë që të mbijetojnë personat e infektuar.

?Duhet të jemi të qartë që mrekulli me skemat e mjekimit me Covid-19 nuk ka sot në asnjë vend të botës, por përdorimi i plazmës ka dhënë rezultate mjaft optimiste dhe po merr përdorim të gjerë në të gjitha vendet. Ndihmon pacientët. Plazma jep një shans për të mbijetuar pacientët?, tha Pipero. /CNA.al





Lajmet e fundit nga