E fundit!

16:28 Aktualitet

"Kallashnikovi çau jelekun anti-plumb"/ Hita: Po kryhen procedurat që efektivi i vrarë të përfitojë statusin e dëshmorit

Drejtori i Përgjithshëm i Policisë së Shtetit, Skënder Hit...

Fillon rindërtimi i banesave të shembura në Laç/ Ahmetaj: Në krye të vitit do dorëzoj çelësat

22 Gusht 2020, 15:25, Sociale CNA

Ministri për Rindërtimin, Arben Ahmetaj, ishte ditën e sotme në Laç, ku ka filluar ndërtimi në terren i lagjes së parë për familjet që humbën strehën në tragjedinë e 26 nëntorit.

Ahmetaj tha se ndërtimi i këtyre banesave do të përfundojë brenda një viti, ndërsa premtoi se në krye të vitit do të dorëzojë çelësat e banesave.

?Sot jemi në Laç, do të ndërtohen 524 apartamente së bashku me një qendër biznesi dhe me hapësira publike. Po me atë që ka marrë angazhim qeveria turke, në krye të një viti këtu qytetarët do të kenë shtëpitë e tyre të reja?, u shpreh ministri.

Ndërkohë, kryeministri Edi Rama ka publikuar pamjet dhe deklaron se ndërtimi i banesave ka nisur prej kohësh me projektimin, ndërsa sot filloi puna në terren.

?Disa e harrojnë ose duan ta harrojnë, se në rrugën e Rindërtimit hasëm për dreq edhe Covidin, që na hëngri jo pak kohë të çmuar dhe na i shtyu me detyrim kalendarët e realizimit të Programit të Rindërtimit. Sidoqoftë, sot në Laç nisën gërmimet dhe tanimë puna nuk do të ndalojë deri në dorëzimin e apartamenteve e të njësive tregtare nga miqtë turq, për zonën 1, ndërkohë që për zonën 2, e cila do të financohet nga buxheti i shtetit, po finalizohet procesi përpara hapjes së kantierit. Së shpejti hapen kantieret edhe në Durrës, me lagjen e re në Spitallë dhe pallatet e reja në pikat e ndryshme të qytetit, ku u shembën të vjetrit.

Në kantieret e Durrësit, që financohen nga Emiratet e Bashkuara, do të punojë një kompani prestigjoze nga Dubai, me të cilën po bashkëpunojmë ngushtësisht prej muajsh për projektet. Kavaja e Fushë ? Kruja kanë nisur në terren me infrastrukturën ku do të ngrihen pallatet e reja, e së shpejti nisin të gjitha. Edhe pak durim dhe çdokush që pret apartamentin e ri, do të mund ta ndjekë me sy pallatin e vet të ri teksa hedh shtat?, shkruan Rama./ CNA.al