Nëse je patriot dhe antikomunist, voto Donald Trump!

25 Gusht 2020, 09:35, Opinione CNA

Nga Nebil Çika *

Thirrje !

Të nderuar bashkëtdhetarë që keni të drejtën e votës në SHBA !

Edhe pak javë na ndajnë nga zgjedhjet presidenciale në Amerikë, të cilat kanë një rëndësi globale dhe veçanërisht për Shqipërinë. Qartësisht përballja politike në SHBA është shndërruar në një betejë midis patriotëve dhe antikomunistëve në një anë dhe komunisteve e internacionalistëve në anën tjetër.

Ndoshta për shumë qytetarë amerikane kjo ndarje ideologjike nuk është shumë e qartë, por për ata që kanë jetuar në vendet komuniste sidomos në Shqipëri dallimi është shumë i lehtë. Ne e dimë shumë mire se çfarë është komunizmi e socializmi dhe çfarë krimesh dhe padrejtësish janë të aftë të bëjnë kjo ideologji dhe njerëzit që e mbartin atë.

Të dashur të përndjekur politikë antikomunistë qytetare të SHBA!

Ju që keni pësuar drejtpërdrejte krimet e komunizmit tregojuni për to fëmijëve, nipave e mbesave që kanë ikur të vegjël nga Shqipëria ose kanë lindur jashtë saj, por edhe qytetarëve të tjerë amerikanë që nuk kanë pasur fatin e keq të jetojnë në komunizëm, se çfarë gjëme e mallkimi është komunizmi e socializmi. Tregoni për vrasjet, burgimet, internimet, grabitjen e pronave dhe pasurive, izolimin me tela me gjemba!

Tregoni për ndalimin e besimit në Zot, prishjen e kishave e xhamive, persekutimin e klerikëve e besimtarëve.

Mos harroni tu tregoni për foshnjat e fëmijët qe u lanë te vdisnin nga uria, sëmundjet e torturat në kampet e përqendrimit të shfarosjes në masë, luftën e klasave, urinë e varfërinë ekstreme etj . Por mbi të gjitha mos i harroni vetë ato që hoqët e patë në Shqipërinë komuniste.

Vota dhe mbështetja juaj për Donald Trump është me rendësi të veçantë edhe për ne patriotet e antikomunistët në Shqipëri , prandaj vota juaj merr rëndësi të jashtëzakonshme pasi në një fare mënyre ju votoni edhe për ne.

Të dashur miq !

Amerika prej shumë shumë kohësh ka qenë e është shpresa e madhe e jona pasi mëshiron simbolin e lirisë, demokracisë dhe anti-komunizmit. Janë me mijëra njerëzit tanë që u sakrifikuan për besimin e tyre tek Amerika antikomuniste dhe mijëra te tjerë, ata qe munden te arratiseshin nga ferri komunist strehë në ketë vend të bekuar pikërisht se ishte antikomunist.

Por SHBA edhe sot shpresa për mijëra të tjerë nga ne që jetojmë në atdhe, gjë që e bën pjesëmarrjen në zgjedhe dhe votën tuaj për antikomunistin Donald Trump tejet te rëndësishme.

Në emër sakrificave të të përndjekurve politikë, antikomunistë dhe sakrificës së të parëve tanë ju bej thirrje të angazhoheni seriozisht në zgjedhje me çdo mjet e mënyrë të mundshme të Presidentit Trump .

Mendojeni mirë! Nëse komunistet do të marrin edhe Amerikën, të gjithë nuk do kemi vend ku të futim kokën !

*Kryetar i Shoqatës Antikomuniste e të Përndjekurve Politike të Shqipërisë.