web counter
LEXO PA REKLAMA!

SHKARKO APP

App Store
Google Play

E fundit!

x

Telefoni i fikur i Genti Cakajt!

15 Gusht 2020, 08:44, Opinione CNA

Që prej 3 ditësh një numër i madh shqiptarësh, një pjesë e madhe e të cilëve të pajisur me pasaporta greke, po rrinë në rradhë në pritje për të kaluar kufijtë greke.

Radhët e gjata në kufijte grekë, nuk janë një fenomen i ri në periudhën e gushtit. Emigrantët ruajnë kohën e verës që të vijnë për pushime në Shqipëri. Pjesa më e madhe, apo më mirë pothuajse të gjithë ata, kanë këtu të paktën një shtëpi, ku kthehen, pushojnë, takojnë miq e çmallen me të afërmit.

Pamja e radhëve të gjata nuk është pamje e re.

Pandemia nuk mund të shërbente për t?i shkurtuar ato rradhë, sa kohë që ka krijuar rradhë në pjesën më të madhe të kufijve që ndajnë shtetet.

Situata Covid, ka sjellë në gjithë botën ndryshime rregullash nga njëra ditë në tjetrën. Nuk ka asgjë për tu habitur në atë që po ndodh.

Secili prej atyre emigrantëve që kanë udhëtuar drejt Shqipërisë, i ka konsideruar të pakten një herë rreziqet dhe surprizat që mund t?i prisnin në rrugën e kthimit.

Fluksi i kthimeve nuk do ishte ky që po duket, nëse nga Greqia nuk do njoftonte detyrimin për karantinim i personave të cilësuar nga BE, si vende me rrisk.

Detyrimi për kryerjen e tamponit dhe karantinim të shqiptarëve nuk ekziston vetëm në Greqi! I tillë është ky detyrim edhe në çdo vend tjetër të BE.

Në çdo vend tjetër të BE mund të udhëtojnë vetëm shqiptarë rezidentë, me leje qendrimi apo të tjerë që gëzojnë edhe shtetësinë e vendit tjeter. Të gjithë detyrohen të bëjnë tamponin dhe ne pritje të përgjigjes se tamponit për ta vendoset  karantina.

Asgjë të re nuk ka në proceduren e vendosur nga shteti grek në këtë rast. Shtimi i sporteleve, rritja e ritmit të testimeve, edhe këto janë jo veç politika të Greqisë.

Ato dëshmojnë më shumë takatin që ka shteti grek për të pritur një fluks të tilë personash potencialisht mbartës të virusit.

Shqiptarët që po kthehen sot drejt Greqisë janë potencialisht pacientët e neserm të shërbimit shëndetësor grek, i cili nuk është në ditën e vet më të mirë për të pritur një numër të shtuar të sëmurësh.

Kjo është e vërteta që po ndodh përtej atyre kufijve.

Ajo që po ndodh këtej kufijve pastaj është llogari që duhet bërë jo vetëm me ata që po ikin, por me ata që po i përcjellin.

Dje u pa në rrugën drejt kufirit ministrja Xhaçka. Nuk u pa ministri i rendit, megjithëse logjika ta do që gjendja në atë rrugë është më shumë çështje rendi sesa çështje mbrojtje. Po mbase në këtë pikë  nuk ka shume rëndësi as se cili ministër u pa tek ajo rrugë.

Lajmi në fakt është një tjetër. Është lajmi i ministrit që fiku telefonin kur u shfaqën pamjet nga ajo rrugë.

Çilimiu i Ministrisë së Jashtme është i padisponueshëm prej tre ditësh.

Pordhaci i korridoreve të Ministrisë së jashtme, që neverit çdo zyrtar të asaj ministrie me gafurrjen boshe, nuk dihet se ku gjendet e se cili libër ja ka marrë mendjen këto ditë aq shumë saqë nuk sheh dot se ç’ndodh me shqiptarët në atë rrugë kufiri.

Ministri i Jashtëm ka fikur telefonin!

Ajo që po ndodh nuk është çështje e tij! Ai nuk votohet nga ata njerëz ndaj nuk ka asnjë detyrim ndaj tyre.

Ministri kosovar, nuk ka asnjë detyrim ndaj shqiptarëve që sot po rrinë në rradhë e që në një rast si ky do donin një shprehje interesimi, se hallin e tyre do e kalojnë vetë.

Ministri i Jashtëm e di që ajo karrike nuk i përket, ndaj fik celularin. Me sjellje identike me çupën tjetër te arsimi, ata nuk kanë se çfarë mesazhi të përcjellin.

Të ndjerin ndryshe, e kanë shpëtim sa herë që ka një ngjarje që lidhet me institucionin që i kanë vetë të freskojnë.

Njësoj si shoqja Besa, që sulmohej vetëm se ish kosovare, edhe këtij çilimiu i leverdis të besojë se po e sulmojnë për këtë shkak.

Në fund të fundit, duhet të gjejnë një motiv që të duken si viktima sa herë që ju plas diçka në derë.

Por një gjë është e qartë, këta dy ministrat kosovarë kanë rezultuar rregullisht telefon i fikur për shqiptarët këtej e andej./CNA.al





Lajmet e fundit nga