web counter
LEXO PA REKLAMA!

SHKARKO APP

App Store
Google Play

Ku shkuan 1.400 kandidatë?

11 Gusht 2020, 18:24, Opinione CNA

Procesi i vetëshpallur si era e re e ndryshimit të PD, nuk rresht së prodhuari lajme interesante.

Për mirë apo për keq, lajmet na duhet ti qëmtojmë nga deklaratat e anëtarëve të komisionit të përzgjedhjes.

Pas Genc Rulit, sot stari i komisionit të Lulit ishte Besniku.

Në një dalje nga ato të zakonshmet si i kontraktuar nga news 24, pasi u sorollat pak nga Covidi, u ndal tek listat e kandidatëve.

Midis shprehjeve të përgjithshme që nuk thonë e nuk paralajmërojnë asnjë erë të re ndryshimi, të ngjashme me ato erërat që ndjente Besniku edhe në 2017 (që i njoftonin fitoren vetëm Besnikut dhe eventualisht Lulit), na mbeti në vesh një shifër.

Kur u niset listat e kandidaturave të propozuara nga baza, era e re e ndryshimit u paralajmërua nga shifra  2.000 që i referohej numrit të kandidaturave të propozuara nga baza e partisë kudo në Shqipëri.

Sot del Besniku në TV dhe thotë kandidaturat, janë bërë 600!

Tani Besniku, meqe i erdhi rradha të flasë budallallëqe, duhet të na shpjegojë:

– ku shkuan 1.400 gra e burra të tjerë?

– këta i filtroi Besniku?

– nëse i filtroi Besniku, çfarë filtri përdori Besniku?

– nëse i filtroi komisioni, si votoi komisioni?

– cila është lista me 1.400 kandidatura që i firuan rrugës Besnikut, pa filluar akoma punë Komisioni?

Larg qoftë Besniku do dali të na thotë që 1.400 persona, u zbrazën nga listat se refuzuan kandidimin!

Se kjo do të thotë që praktikisht 70% e kandidatëve të dëshiruar nga baza e PD, paskan refuzuar PD-në, Lulin me gjithë grua, kunat dhe Genc Rul.

Dhe ky lajm nuk bie erë të mirë për fatin e zgjedhjeve për PD-në.

Nëse Besniku edhe kësaj rradhe po ndjen të njëjtën erë, i lutemi të verifikojë nuhatjen.

Nuk ështe erë fitoreje ajo që ndjen shpesh Besniku!

Nuk ështe erë fitoreje kur të firojnë kandidatët!/CNA.al

 





12:32 Opinione

Lajmëtari Sonila

Nga Frrok ÇupiMos mendoni se kam gabuar gjininë teksa shkrua...

Lajmet e fundit nga