web counter
LEXO PA REKLAMA!

SHKARKO APP

App Store
Google Play

E fundit!

x

Veliaj, një mashtrues i (ri)lindur

16 Gusht 2020, 16:24, Opinione CNA

Nga Namir Lapardhaja 

Publikimi i disa mesazheve fyese dhe kërcënuese të kryebashkiakut aktual të Tiranës, e njëkohësisht trashëgimtarit politik të kryeministrit Rama, ndaj pronarit të dy televizioneve, Ylli Ndroqit, ka rikthyer në qendër të vëmendjes së publikut një pyetje të rëndësishme: ku e marrin gjithë këtë siguri drejtuesit e sotëm të Rilindjes që edhe kur e shkelin ligjin kaq hapur, edhe kur u bëhen publike shkeljet, sërish nuk kanë frikë nga hetimi?

Në fakt, këtë pyetje duhej ta kishim me zë të lartë të gjithë, madje edhe ata që besuan se socialistët e drejtuar nga Rama ishin të shqetësuar për të rikthyer drejtësinë kur nisën të propagandonin Reformën në Drejtësi.

Është e qartë për këdo pesha e madhe e së keqes që sjell mungesa e gjykatave në Shqipëri. Më e trishtë është heshtja e institucioneve të reja të drejtësisë që u bekuan nga të gjithë, përfshi edhe ndërkombëtarët. Pra, thjesht vlen të pyesim: çfarë hetojnë këto institucione kur, edhe pas zbulimit të fakteve, nuk shënojnë asnjë nisje hetimi? Qoftë edhe për t?i nxjerrë të pafajshëm formalisht. Duket se Rilindja është në gjurmët e ish-diktatorit Hoxha, që kur shkelte në mënyrë të hapur ligjet e tij diskriminuese për qytetarët, thoshte: ?Pse, ligjet tona do të na pengojnë ne?!?

Ndërkohë, për këdo që ka besuar deri më sot se Veliaj është i shqetësuar për qytetarët e Tiranës, apo për të përmirësuar qeverisjen e ?Rilindjes?, duhet të kuptojë se thjesht kemi të bëjmë me një njeri që e ka nisur të gjithë karrierën e tij me mashtrime.

Kujtdo mund t?i kujtohet se më 1 Qershor 2011 Erion Veliaj do të sajonte në mënyrën më tipike të politikës së tij një histori rrëmbimi me Griselda Zaimin, në atë kohë bashkëjetuese me të sapozgjedhurin në krye të Bashkisë së Kavajës, Elvis Rroshin.

Veliaj, duke i hipur kalit të gënjeshtrave, e bëri publike për ndërkombëtarët mashtrimin, ndërkohë që, më pas, nuk u përpoq ta përgënjeshtronte kur vetë protagonistja e historisë pranoi blofin.

Po ashtu, në shtator 2014, kur ishte në krye të Ministrisë së Mirëqenies Sociale, Veliaj deklaroi pa iu dridhur qerpiku se kishte arritur të bënte dasmën luksoze në Kalanë e Gjirokastrës me paratë e nënës së tij. Një gënjeshtër që do fyente inteligjencën e çdo fëmije, e jo më të rrituri.

Në një shoqëri normale, ku do të funksiononte morali, ose, të paktën, ligji, do të mjaftonin këto dy raste që Veliaj të mos ishte në asnjë cep të politikës. Mirëpo, forca politike dhe kryeministri aktual e ka atë një nga bashkëpunëtorët e vet më të ngushtë.

Dhe do të mjaftonte pikërisht dasma e tij e vënë në hije dyshimi nga televizioni ?Agon Channel?, që ky i fundit të mbyllej me dhunë, ndërkohë që sot duhet të paguajmë për këtë tekë të dyshes Rama-Veliaj mbi 100 milionë euro.

Veliaj nuk shqetësohet aspak kur gënjen. Ai nuk turpërohet as kur del kaq hapur të thotë se është nxirë duke lexuar në ballkon (edhe pse deklaron gjatë intervistës së porositur se kishte probleme me shikimin). Ai nuk turpërohet, sepse forca politike së cilës i është përkushtuar e ka gënjeshtrën të vetmin mjet komunikimi.

Ai ndoshta është pikërisht trashëgimtari i parashikuar i Ramës në PS, pasi e përdor gënjeshtrën kaq hapur. Sepse ?Rilindja? gënjeshtrën e ka të vetmin program politik për qytetarët shqiptarë, ndaj dhe Veliaj po bënë gati provat gjenerale për të zëvendësuar Ramën pas humbjes së zgjedhjeve të vitit të ardhshëm. Ai është hedhur në sulm si njeriu që di të mbyllë media, që di të bëjë presione, që nuk ka asnjë problem të fyjë gazetarët që nuk pranojnë kasetat dhe që dalin kundër vendimeve të tij.

Ai thjesht po bënë provat që, pas humbjes së zgjedhjeve, të mos ketë asnjë rival për të zëvendësuar Ramën. Ai është gënjeshtari që i duhet Ramës për të garantuar trashëgiminë e tij në PS. Duket se provat gjenerale janë në kulmin e vet, dhe aktori Veliaj është duke e luajtur këtë rol ashtu siç e ka parashikuar kumbari i tij politik.

 





Lajmet e fundit nga