E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Ekskluzive-Dokumenti/ Eva Blushi: Ik nga notere se po më sulmojnë

20 Gusht 2020, 10:44, Politikë CNA

Noterja Eva Blushi, bashkëshortja e ish-deputetit Ben Blushi, ka dorëzuar dorëheqjen e saj nga detyra.

CNA.al ka siguruar dokumentin, i cili mban datën 8 gusht 2020, ku Eva Blushi me një kërkesë drejtuar Ministrisë së Drejtësisë dhe Dhomës Kombëtare të Noterisë, kërkon dorëheqjen nga detyra e noteres.

Por, një detaj që bie në sy në letrën e dorëheqjes është se Eva Blushi, pretendon se po e sulmojnë dhe kjo është arsyeja se pse po jep dorëheqjen.

Ndër të tjera në kërkesën për dhënien e dorëheqjes, Eva Blushi shkruan se ?Për shkak se për më shumë se 6 muaj rresht në disa media online në mënyrë të vazhdueshme dhe të përsëritur në drejtimin tim janë bërë publikime dhe prononcime të shtrembtaa, për të cilat do të më duhet kohë për ti ndjekur ligjërisht, e meqënëse dua ta bëj e lirë nga çdo angazhim tjetër. Në mënyrë që kjo gjendje dhe situaatë mos të vaazhdojë të cënojë interesin e ushtrimit të profesionit…?

Ndoshta publikimi i të vërtetave i duket sulm Eva Blushit, e cila njëkohësisht me profesionin e noteres, ka mbajtur edhe detyrën e administratores së një kompanie private, gjë e cila është në kundërshtim me ligjin e noterisë, nr. 110/2018 pasi në nenin 19 të tij shkruhet, ushtrimi i funksionit të noterit nuk pajtohet me asnjë veprimtari tjetër publike dhe private me përjashtim të mësimdhënies dhe të veprimtarisë shkencore.

Eva Blushi ka dhënë dorëheqjen nga detyra pas publikimit në media të tjera dhe në CNA.al në lidhje me ortakëritë e saj në një kompani bullgare Em Capital Group (Lexo këtu) e cila ka si pronare zonjën Blushi si dhe pronarët e inceneratorëve Mirel Mërtiri dhe Klodian Zoto.

Është kjo kompani e cila më pas ka ardhur në Shqipëri dhe ka blerë 51% të aksioneve të Valtelina Kafe, e cila mban emrin tregtar Lori Kafe dhe që ?rastësisht? ka të njëjtët pronarë me Top Channel, ku drejtor është vetë Ben Blushi. (Lexo këtu)

Po ashtu, vetëm pak ditë më parë, CNA.al publikoi me dokumente zyrtare sesi në vitin 2015, Eva dhe Ben Blushi, kanë bërë pagesën për blerjen e një njësie tregtare në Korçë, e deklaruar për vetëm 30 mijë euro, kur në treg ajo kushtonte mbi 10 here më tepër.

Por një tjetër detaj është edhe fakti se në këtë transaksion figuronte të kishte firmosur vajza e çiftit Blushi, Eva Blushi, e cila në fakt nuk ndodhej në Shqipëri. Kjo e vërtetuar edhe nga të dhënat e sistemit TIMS. (Lexo këtu)

Dhe dorëheqja e Eva Blushit nga detyra e noteres, që nuk është se e ushtronte kaq shumë, vjen menjëherë pas publikimit të këtij skandali./ CNA.al

Dorëheqja e Eva Blushit nuk shfajëson noteren Violeta Sulkaj, kapur në falsifikim

Sa lekë ka paguar Eva Blushi për blerjen e Lori Kafesë?

Skandali-/ Ben Blushi bëri vajzën pronare duke i falsifikuar firmën (fakte dhe dokumente)

Prona 500 milionëshe/ Kush është noterja që falsifikoi firmën e vajzës së Ben Blushit?!

Noterja në skandal/ Zbulohen katër bizneset e bashkëshortes së Ben Blushit