web counter
LEXO PA REKLAMA!

SHKARKO APP

App Store
Google Play

E fundit!

x

Drama në Kakavijë/ Media italiane publikon videon, kolona e makinave 20 km

15 Gusht 2020, 15:15, Aktualitet CNA

Media italiane ?Il fatto quotidiano? i ka kushtuar një shkrim, shoqëruar me video situatës dramatike që po kalojnë shqiptarët në Kakavijë, të cilët kanë 4 ditë që presin për të kaluar kufirin me Greqinë.

Sipas saj, në pikën kufitare të Kakavijës, në jug të Shqipërisë, u krijua një radhë prej 20 km me mbi 4000 vetura, për shkak të masave të reja të shpallura nga Athina.

“Janë disa mijëra shqiptarë që punojnë në Greqi, veçanërisht në sektorin e bujqësisë dhe që kthehen në vendin e tyre gjatë verës. Ministria e Jashtme shqiptare tha në një deklaratë se autoritetet greke janë zotuar të shpejtojnë procedurën aktuale në kufi, duke shkuar nga 200 në 300 teste në orë.

Situata e koronavirusit është përkeqësuar edhe në Shqipëri në 24 orët e fundit, me një numër rekord prej 154 infeksionesh.

Më shumë se 210 njerëz kanë vdekur në vend për shkak të Covid-19 që nga fillimi i epidemisë. Mjekët paralajmërojnë një valë të dytë të epidemisë, ndërsa autoritetet shprehin keqardhje për mosrespektimin e masave të sigurisë nga qytetarët”, thuhet në artikull. /CNA.al





Lajmet e fundit nga