web counter
LEXO PA REKLAMA!

SHKARKO APP

App Store
Google Play

E fundit!

x

35 mijë dosje të pazgjidhura/ Shtohen 12 juristë të rinj në Gjykatë

13 Gusht 2020, 10:19, Aktualitet CNA

12 juristë të rinj shqiptarë janë bërë pjesë e gjykatave, për të shqyrtuar dhe inventarizuar stokun e padive.

Përzegjedhja e tyre është bërë nga Programi i USAID, në bashkëpunim me KLGJ dhe Gjykatën e Lartë, ndërsa bëhet e ditur se janë 35 000 çështje të pazgjidhura.

?Në bashkëpunim me Këshillin e Lartë Gjyqësor dhe Gjykatën e Lartë, Programi i USAID-it Drejtësi për të Gjithë ka përfshirë me sukses në gjykatë 12 juristë të rinj e të zotë shqiptarë në rolin e Nëpunësve për Uljen e Numrit të Çështjeve të Prapambetura (NUNÇP). Të 12-të nëpunësit po punojnë në gjykatë dhe aktualisht, janë përqendruar tërësisht te krijimi i një inventari të hollësishëm të afro 35,000 çështjeve të pazgjidhura të gjykatës?, shkruhet në njoftimin e USAID/Albania.

Më tej shpjegohet edhe puna për juristët e rinj si dhe mjetet që iu janë vënë në dispozicion.

?Ky inventar do të jetë baza për kategorizimin e çështjeve në grupe, të cilat mund të trajtohen më pas në një mënyrë më të efektshme dhe efikase nga këshilltarët ligjorë dhe gjyqtarët e gjykatës. USAID-i dhe gjykata ndajnë mes tyre përgjegjësinë për të siguruar që këta nëpunës të kenë në dispozicion të gjitha burimet e nevojshme për të qenë të efektshëm. Gjatë kësaj periudhe të vitit me ritme më të ngadalta, gjykata e ka përshtatur kalendarin e pushimeve të punonjësve të saj për të mundësuar praninë e nëpunësve NUNÇP, ndërsa Projekti Drejtësi për të Gjithë ka ofruar mjete të tilla, si: laptopë dhe artikuj zyre. Gjithashtu, Projekti Drejtësi për të Gjithë ka ofruar mjete të mbrojtjes personale për të gjithë gjykatën dhe nëpunësit, për të siguruar kështu një mjedis të sigurt pune. Ky është një bashkëpunim shumë i mirë, në interes të aksesit në drejtësi dhe një shërbimi më të mirë për qytetarët e Shqipërisë?, thuhet në njoftim. /CNA.al

 





Lajmet e fundit nga