web counter
LEXO PA REKLAMA!

SHKARKO APP

App Store
Google Play

"Të sëmurët me Covid duan gjak"/ Alarmi i Panaritit: Të sigurohet plazma e Konvaleshencës

10 Gusht 2020, 09:56, Politikë CNA

Ish-ministri, Edmond Panariti ngre alarmin për neglizhencën e Ministrisë së Shëndetësisë, me koordinimin e Qendrës së Gjakut.

Sipas Panaritit, sot më shumë se kurrë, është e nevojshme që pacientët që kanë kaluar sëmundjen me virusin Covid-19 të thirren për të dhuruar gjakun e tyre, pasi do të shpëtonin jetë.

“Ku është qendra e dhurimit të gjakut? Kaq e vështirë qenka të sigurohet plazma e Konvaleshencës?

Që potencialisht mund të shpëtonte shumë jetë nga kurthi i intubimit të koronavirusit ?

Jam i sigurt, se ata qindra pacientë të shëruar nga COVID, por me gjakun plot antitrupa neutralizues të virusit do të dhuronin me dëshirë gjakun e tyre për të ndaluar rrëshqitjen drejt fatalitetit të shumë fatkeqëve që u duhet të luftojnë me vdekjen.
Çfarë teknologjie kërkohet? Mos duhet ndonjë shpikje hata?
Thjesht marrje gjaku intravenoz sipas protokolleve, centrifugim dhe ja ku e prodhove plazmën… Dhe ke një armë për të luftuar këtë rrezik vdekjeprurës”, shkruan Panariti. /CNA.al





Lajmet e fundit nga