Shkarkimi i Meçollarit/ Gjunkshi: Të vihet para drejtësisë

9 Gusht 2020, 09:03, Politikë CNA

Së fundmi është liruar nga detyra Komandanti i Forcave Bregdetare Artur Meçollari, pasi anija e Rojes Bregdetare u vu në dispozicion për celebrimin e fëmijës së një oficeri.

Pas përhapjes së lajmit ka ardhur edhe reagimi i ish-deputetit Xhemal Gjunkshi, i cili ka ngritur një sërë akuzash ndaj Meçollari.

Gjunkshi kujton si u përjashtua Meçollari nga shkolla e Detarisë dhe si ministret e Ramës e futën sërish në radhët e Forcave të Armatosura.

?Meçollari sfidon Xhaçkën! ?Vesi del me shpirtin?, kështu thotë një fjalë e urtë popullore! Shkarkimi i Artur Meçollarit, i personit me vese. Artur Meçollari i përjashtuar nga shkolla e Detarisë një vit për përvetësimin, vjedhjen e materialeve të shokëve të shkollës dhe pronën publike.

Me urdhër të Ministrit Mbrojtjes, u largua nga Forcat e Armatosura në vitin 2013, për ?Veset? e tij të shumta, duke cënuar Sigurinë Kombëtare, duke bashkëpunuar me Atashetë e Huaj Ushtarakë, jo anëtarë të NATO-s akredituar në Shqipëri pa leje të MM, madje duke i ftuar dhe darkuar në shëpi.

Pavarësisht se ishte Ushtarak me Vese, për të cilën dhe u lirua nga Forcat e Armatosura, Ministria e Mbrojtjes Mimi Kodheli e dashuruar me njeriun me vese, në kundërshtim me ligjin e aktivizoi përsëri në radhët e Forcave të Armatosura, duke e emëruar si Drejtor Inspektimi të Kabinetit të saj.
Më vonë dyshja Rama-Kodheli e emëruan në Komisionin e ndarjes së Detit. Olta Xhaçka e gradoi duke e emëruar ?de facto? Komandant të Forcave Detare.

Artur Meçollari si Zv.Kom. FD, ka shmangur drejtimin e operacioneve detare nëpërmjet QNOD, dhe i ka drejtuar vetë në mënyrë autokrate, duke i mbajtur në fshehtësi dhe pa i vënë në dijeni shefat e degëve, komandantin e Flotës dhe Qendrën Operacionale të FD?, shkruan ai në rrjetet sociale.

Demokrati kërkon që organet e drejtësisë të fillojnë menjëherë hetimet dhe të vënë para drejtesisë Meçollarin.

?Në Forcat Detare kanë humbur, janë përvetësuar (vjedhur) 34 mijë litra karburant të anijeve vitin e kaluar. Çfarë ka ndodhur? Personeli përgjegjës dhe i dyshuar vazhdojnë qetësisht të punojnë. Asnjë hetim dhe vënie para përgjegjësisë për shkaktarët e kësaj mega vjedhjeje. Emërimet e personelit bëhen sipas afrimitetit me Meçollarin dhe në mosperputhje të theksuara grade-funksion.

Tre Kapitenë të Rangut të parë aktualisht punojnë në reparte këmbësorie, ndërkohë që Shefi i Shtabit të FD dhe kom.Flotiljes janë Kapiten i Rang të II-të. (Për ju lexues: Kapiten i Rangut parë është Kolonel. Kapiten i Rangut dytë është Nënkolonel.) Këto janë emërime nepotike të Xhaçkës, bandës së saj me Meçollarin në kundërshtim të plotë me ligjin dhe funksionimin e gradave në FA. Meçollari është bërë tmerri dhe gjobvënësi i peshkatarëve dhe i operatorëve turistikë që vizitojnë Ishullin e Sazanit, të cilët pa paguar haraçin nuk mundet të dalin në det.

Ndalon pa kritere anijet turistike dhe pezullon lejet për në ishullin e Sazanit. Jep dhe heq leje selektive për personelin që operojnë në gadishullin e Karaburunit, sidomos është bërë pengesë për firmat e peshkimit, për të cilën është bërë problem në media disa herë. Ministria e Mbtojtjes Olta Xhacka lejonte që ky hajdut, ky gjobvënës të drejtonte Forcat Detare.
Ka mbajtur dhe ka përdorur uniforma të shteteve të ndryshme, jashtë kritereve të Manualit të miratuar për uniformat ushtarake. Kurset institucionale dhe gradat ua ka dhënë njerëzve që kanë afrimitet me të dhe që i perzgjedh ai dhe jo atyre që u takon. Organet e drejtësisë për të gjitha këto shkelje duhet të fillojnë menjëherë hetimet dhe të vënë para drejtësisë të gjitha ata që Vesi ju del me Shpirtin?, nënvizon ish-depueti./ CNA.al