E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

"Shqipëria mund të fundoset nga vala e Covid-19 në vjeshtë"/ Ish ministri ngre alarmin

8 Gusht 2020, 08:09, Politikë CNA

Ish-ministri Edmond Panariti ka reaguar sërish lidhur me sitatën e pandemisë në vend.

Në reagimin e tij në rrjetet sociale ai shkuan se një valë e pritshme e Covid-19 në stinën e vjeshtës mund ?të na fundosë? nëse nuk trefishojmë kapacitetet, logjistikën dhe teknologjinë spitalore.

Sipas tij, aktualisht Shqipëria për nga kapacitetet spitalore është ?më shumë se tre herë më ulët se mesatarja Evropiane?.

Nuk duhet të presim të mbarojnë pushimet për të vepruar, sepse do jetë tepër vonë?, thekson ai më tej.

?Pa i tre fishuar kapacitetet, logjistikën dhe teknologjinë spitalore mund të fundosemi nga vala e pritshme Covid e vjeshtës!

Në përballjen me Covid, mjekët janë padyshim heronjtë tanë!

Por ashtu siç fitohet lufta me armatime, padyshim edhe sëmundjet nuk mposhten vetëm me heroizëm dhe propagandë por me kapacitete, logjistikë dhe teknologji!

Këtu mjekësia e PPP-ve është shumë prapa Evropës.

Ja shifrat sipas INSTAT :

Në Shqipërinë shtetërore dhe private kemi gjithsej 55 spitale të cilët ofrojnë në ?letër? 8853 shtretër, thënë ndryshe 2,6 shtretër për 1000 banorë.
Por mesatarja shumëvjeçare e shfrytëzimit të tyre sipas INSTAT, është më pak se 50%.
Pra ?de facto? u shërbejmë jo me tre por vetëm me një shtrat e një çerek rreth 1000 banorëve tanë .

Po mesatarja Evropiane?

Mesatarisht Evropa para pandemisë ofronte një shtrat spitalor për çdo 196 banorë, pra më shumë se pesë shtretër për 1000 banorë.

Por ndryshe nga ne, koeficienti i shfrytëzimit vjetor të tyre është rreth 80%.
Thënë ndryshe mesatarisht në Evropë janë 4 shtretër që realisht përdoren për 1000 banorë. Te ne vetëm 1,2.

Përtej patetizmit dhe propagandës, shifrat janë kokëforta dhe dëshmojnë se ku jemi

Përfundimi : Për nga kapacitetet spitalore jemi më shumë se tre herë më ulët se mesatarja Evropiane.

Pyetja tjetër e nxehtë për kohën që po kalojmë është :
Po me shtretër të reanimacionit, të cilët janë jetësore për trajtimin e rasteve të rënda me Covid 19 ku jemi?
Këtu statistikat çalojnë por nëse duam të mos fundosemi nga vala e dytë e pritshme e covid 19 në vjeshtë duhet ta çojmë numrin e shtretërve reanimatorë në rreth 2000 para tetorit, pra më shumë se tre herë se tani.
Nuk duhet të presim të mbarojnë pushimet për të vepruar, sepse do jetë tepër vonë.?/CNA.al