web counter
LEXO PA REKLAMA!

SHKARKO APP

App Store
Google Play

E fundit!

x

Sikur Luli dhe Ruli të mos kandidonin Berishën?!

8 Gusht 2020, 10:15, Politikë CNA

Një komision formal në selinë e Republikës së Re të Luli Bashës, e ngritur sipas një akeme, anglo-amerikano-gjermane, që të justifikojë humbjen dhe stuhinë që do plasë pas shpalljes së listave të kandidatëve, po hyn në opinionin publik si pjesë e debatit të përditshëm.

Njëherë del Besnik Mustafaj që ka frikë mos turpërohet, pastaj Bujar Nishani me enigma dhe shpresën që do i zhgënjejë të gjithë, më pas del Ruli që thotë se Berisha e ka lavdinë për ta mbyllur vetë se ndryshe mund t?ja mbyllë ai. Njëri gozhdës tjetri patkoit. Qesharake por edhe e neveritshme!

Genc Ruli i drurit të arrës, që ka lëpirë gjithçka ka thënë, tani sërish kërkon protagonizëm politik me Sali Berishën. Është i njëjti Genc që kërkonte të nxireshin me shqelma kunati e gruaja e Luli Bashës, ky i fundit e hodhi në kosh 3 vite më parë, por Ruli nuk është nul, ai e kuptoi dhe gjoja doli vetë nga politika, për tu rikthyer tani si zëvendësues i Jemin Gjanës, me shpresën se do dalë në pension duke qenë në komisionet që Luli i do për çertifikimin e gomarllëqeve që bën çdo ditë.

Së fundi ish-ministri i Berishës, po i shërben me devotshmëri Luli Bashës dhe lëvizjeve që kreu i Republikës së Re bën çdo ditë dhe tani i ka më të vlefshme sepse dëgjon dhe mikun e tij më të ri, komisionerin Ruli.

Genci kërkon largimin e Berishës, nga lista dhe mbylljen e ciklit të tij me mos kandidim. Në fakt ky qëndrim ka disa të mira dhe të këqija, apo këndvështrime e pasoja të mundshme. Me lagimin e elitës të PD nga listat në 2017, mbushja e saj me kllouna dhe nga lëvizjet kaotike e pazaret e Lulit, Republika e Re mori 230 mijë vota më pak se ditën kur doli në opozitë, duke treguar se nuk e kishte prekur ende ?fundin e oqeanit?. Dhe kjo duke hequr Rulin, Imamin, Boden, Topallin etj etj. 230 mijë vota më pak edhe me Sali Berishën në listë.

Në 2021, sikur ti kthejë të gjithë ata që hoqi Luli sërish nuk merr dot më shumë vota se në 2013, kjo për shkak të pasojave gati 8 vjeçare, veprimeve të tij, tradhëtive, shitjes së demokratëve dhe përdorimit të logos dhe partisë për pasurimin e tij dhe të familjes. E në rast se në 2021 heq Sali Berishën dhe e nderon partinë me listën e komisionit Ruli, Mustafaj, Marku, Nishani e Papa, kreu i Republikës së Re, Luli Basha, do e çojë PD forcë të 3 pse jo dhe të 4. Se garën për vendin e dytë e konsumoi në 2017.

Një pjesë e mirë e njerëzve qëndrojnë në atë forcë edhe për lidhjen me Berishën por edhe me logon e PD. Kjo e dyta është ndotur keqaz nga Basha, po iku dhe Berisha, Luli me Rulin & Co, nuk do zihen më me LSI kush hyn në qeveri me Ramën po gara e Bashës do jetë më partitë e tjera për vendin e 3 apo të 4, as për të dytin nuk do zihet dot më. Ndaj mirë do ishte që tja kursenin demokratëve këto broçkulla, me largimin e Berishës dhe shkëlqimin e komisionit Luli-Ruli./CNA.al

Ç’muhabet kanë bërë këto 2 vjet Luli dhe Ruli?

Pajtimi me kryetarin dhe rikandidimi i Berishës/ Genc Ruli: Basha m’i dëgjon këshillat

Nuk iku Luli, por Ruli





Lajmet e fundit nga