web counter
LEXO PA REKLAMA!

SHKARKO APP

App Store
Google Play

E fundit!

x

Foto+video-Pamje tronditëse nga Bejruti/ Raportohen 78 të vdekur dhe mbi 4000 të lënduar

5 Gusht 2020, 06:48, Kosova & Bota CNA

Së paku 78 të vrarë dhe më shumë se 4.000 të plagosur është bilanci i shpërthimit që ndodhi në kryeqytetin e Libanit, Bejrut, një ditë më parë.

I gjithë qyteti u trondit nga shpërthimi, i cili ndodhi në pjesën ku ndodhet porti.

Ndërkohë, sot skuadrat e Shpëtimit vazhdojnë që të kërkojnë në rrënoja për trupa të vdekur dhe njerëz të gjallë, nga shpërthimi i depove i ndodhur mbrëmë në portin e kryeqytetit të Libanit.

Agjencia e lajmeve Reuters ndërsa citon zyrtarët vendorë, thonë se ka gjasa që numri i viktimave të rritet.

Shpërthimi ishte ndër më të fuqishmit që ka ndodhur ndonjëherë në Bejrut dhe kjo ngjarje ka tërhequr vëmendjen e mbarë rruzullit.

Presidenti Michel Aoun tha se 2 750 ton nitrat amoniumi, të përdorur në plehra dhe bomba, ishin ruajtur për gjashtë vjet në port pa masa sigurie, Aoun kërkoi një mbledhje qeverie urgjente gjatë ditës së sotme.

Ende nuk dihet saktësisht se cfarë e ka shkaktuar shpërthimin, por dyshohet se mund të kenë qenë punimet e saldimit në një nga vrimat e depove.

?Ajo që ne po dëshmojmë është një katastrofë e madhe?, tha kreu i Kryqit të Kuq të Libanit George Kettani për transmetuesin Mayadeen. ?Ka viktima e të plagosur kudo?, shtoi ai.

Shpërthimi rigjallëroi kujtimet e një lufte civile të viteve 1975-90 dhe pasojave të saj, kur libanezët duruan sulme të rënda, bomba të makinave dhe sulme ajrore izraelite. Disa banorë menduan se kishte ndodhur ndonjë tërmet.

 





Lajmet e fundit nga