web counter
LEXO PA REKLAMA!

SHKARKO APP

App Store
Google Play

E fundit!

x

Fluks turistësh nga Kosova/ Kontrolli nga mjekët bëhet i pamundur në kufi

2 Gusht 2020, 11:15, Aktualitet CNA

Pavarësisht nga situata e vështirë epidemike në Kosovë dhe Shqipëri, turistët nuk janë ndalur as këtë fillim gushti. Në pikën kufitare të Morinës, mesatarja ditore e kalimeve në kufi drejt Shqipërisë dhe anasjelltas i kalon 10 mijë njerëz.

Drejtor Rajonal i Shendetit Publik ne Prizren, Fadil Kryeziu, thotë se qytetarët e dy vendeve që po lëvizin gjatë kësaj periudhe në dy anët e kufirit shihen si bartës kryesor të Covid 19, dhe ekipet mjekësore në kufi e kanë të pamundur të kontrollojnë të gjithë kalimtarët, ndaj po shihet një mundësi e re për të kontrolluar situatën e cila po rrit me shpejtësi numrin e të infektuarve.

Java që sapo u mbyll, për Kosovën shënoi numrin më të lartë të të prekurve dhe viktimave nga Covid 19,e pavarësisht kësaj situate qytetarët e Kosovës nuk e kanë frenuar levizjen për pushime drejt Shqipërisë. Muaji korrik i mbyll më me shumë se 1 milionë pushues kosovarë në bregdetin e Shqipërisë por edhe në qytetet e tjera turistike. Në kufirin me Shqipërinë ministria e Shëndetësisë e Kosovës rishikoi vendimin dhe përjashtoi qytetarët e dy vendeve nga masat shtrenguese për kontrollet në kufi në kuadër të situatës së covid 19.

Shifrat e regjistruara nga Kosova

Të dhënat e dërguara nga Kosova, përgjatë 24 orëve të fundit në pikat kufitare janë këto:

Në pikën kufitare në Perëndim kanë hyrë 2 mijë e 966 vetura, 158 kamionë, 107 autobusë.

Në këtë pikë kufitare janë kontrolluar 6 mijë e 617 persona me mjete motorike si dhe 77 këmbësorë.

Ndërkaq nga Kosova nga kjo pikë kanë dalë 3 mijë e 975 vetura, 143 kamionë, 97 autobusë.

Janë kontrolluar 13 mijë e 92 persona me mjetet motorike, kurse po ashtu edhe 47 këmbësor.

Ndërsa në pikën kufitare Lindja, kanë hyrë 1 mijë e 779 persona, 115 kamionë, 24 autobusë. /CNA.al

 





Lajmet e fundit nga