web counter
LEXO PA REKLAMA!

SHKARKO APP

App Store
Google Play

Supertenderi i verës/ Ministria e Diasporës ble 2000 kuti me lojën “Mos u nxeh”

30 Korrik 2020, 18:02, Aktualitet CNA

Një tender i çuditshëm vjen nga Ministria e Diasporës, e cila në këto ditë të nxehta korriku, kur nuk ka se çfarë të bëjë për emigrantët shqiptarë nëpër botë, vendos të kërkojë dhe të shpërndajë, 2000 kuti me lojën “Mos u nxeh”.

Dy paradokse ka ky prokurim: Së pari, ideja. Së dyti, asnjë prej kutive nuk shkon në Diasporën shqiptare, por përfundojnë me nga 500 copë në 4 qytete shqiptare.

Tenderin e ka gjetur Boldnews,  edhe pse është i lehtësisht i aksesueshëm në faqen e Agjencisë së Prokurimeve Publike.

Pak ditë më parë, Qendra e Botimeve për Diasporën ka shpallur ?Ftesën për ofertë?, me objekt ?Shumëfishimin e lojës ?Mos u nxeh? për 4 qytete,  me  nga 500 kopje për çdo qytet?.

Kushdo që kërkon arsye se përse i duhen Qendrës për Diasporën kopje të lojës ?Mos u nxeh?, do të hutohej akoma edhe më shumë, kur të mësonte se shpërndarja e kësaj loje do të bëhet në qytetet Tiranë, Shkodër, Korçë e Gjirokastër.

Është e paqartë se cili grupim shoqëror cilësohet ?Diasporë? në këto qytete, por gjithësesi, duket se Qendra e Botimeve për Diasporën e ka marrë seriozisht realizimin e një tenderi të tillë.

?Ftesa për ofertë? pritet t?i shërbejë strukturës në varësi të Majkos për të përcaktuar fondin limit të tenderit. Ofertuesit, pra kompanitë private, duhet të plotësojnë disa kushte.

Operatori ekonomik ofertues, i cili do të realizojë prodhimin ose furnizimin me lojëra ?Mos u Nxeh? duhet domosdoshmërisht të zotërojë certifikatën e cilësisë ISO 9001:2015. Në të kundër, skualifikohet.

Gjithashtu, operatori ekonomik duket të provojë se ka kontrata të ngjashme me subjekte privatë ose publike. Pra, ofertuesit duhet të tregojnë se u kanë shitur lojë ?Mos u nxeh? ose të ngjashme, edhe institucioneve të tjera shtetërore.

Pak e vështirë për t?u plotësuar si kusht, por gjithësesi ndoshta mund të ketë shoqëri private që u kanë shitur lojëra të tilla institucioneve parashkollore publike ose qendrave rezidenciale për të moshuarit. Cna.al





Lajmet e fundit nga