Paralajmëron ish-ministri i Shëndetësisë/ Shtoni e forconi reanimacionet, ndryshe…

22 Korrik 2020, 12:49, Politikë CNA

Ish-ministri i Shëndetësisë, Tritan Shehu, ka dhënë disa këshilla për qeverinë në këtë kohë pandemie, kur shifrat e të infektuarve janë shqetësuese.

Në një postim në rrjetet sociale, Shehu kërkon të shtohen dhe forcohen reanimacionet, pasi pretendon se presioni po përplaset në shërbimet e reanimacionit në spitalin Infektiv dhe atë ?Shefqet Ndroqi?.

?Shtoni e forconi Reanimacionet, ndryshe?!!! Këto po jua përsëris jo vetëm si ?mjek i politikës?, gjë që e quaj përgjegjësi, por dhe si reanimator me eksperiencë, që për mua është nder! Kur nuk liberalizoni testimet e dështoni në kërkimin epidemiologjik, kur shëndeti parësor lihet si i ?njerkës?, kur spitalet e rretheve janë ashtu si janë, i gjithë presioni po përplaset në repartin Infektiv, në ?Shefqet Ndroqin?, e më tej aty ku ndahet ?jeta nga vdekja? në shërbimet e Reanimacionit.

Janë këto të fundit ku ne kemi humbje të konsiderueshme për arsye të problemeve të sistemit, apo prej strukturave të tyre larg standarteve europiane. Shërbimet e reanimacioneve, veçanërisht për të përballuar komplikacionet e rënda të Covid kërkojnë parametra speciale që nga ajrimi, monitorimi i plotë hemodinamik, ventilimi, monitorimi qëndror, etj etj, deri te ECMO?, shkruan ai në rrjetet sociale.

Demokrati tregon se ka dëgjuar dikë të justifikohej me mungesën e kapaciteteve njerëzore, por thekson se kjo nuk është e vërtetë.

?Së pari, kjo nuk e çfajëson atë, përkundrazi.

Së dyti, ne kemi një grup të shkëlqyer reanimatorësh e personeli, që mund të mobilizohen duke i krijuar kushtet, midis tyre dhe monitorimin qëndror.

Së treti, kemi specialistë të trajnuar edhe për ECMO në Monza të Italisë, por nuk kemi ECMO.

Së katërti, duhen vënë në shërbim të këtyre pacientëve ambjentet më të mira të egzistuese të reanimacionit në QSUT, duke instaluar aty teknologji suplementare, monitortim qëndror, etj.

Së pesti, po ju kujtoj se Italia shtoi 5000 vende moderne reanimacioni, Gjermania 8000 në 3-4 javë, Franca, Spanja etj po kështu, ndërsa ne prej shkurtit?, kur së paku duhen dhe 100 poste të reja të tilla. Ajo çfarë po modifikohet tek Kirurgjia e Vjetër është larg standarteve të terapisë intensive. Në këto kushte tejet të vështira duhen veprime energjike, financime, së bashku me prezencë ndërkombëtare në nivelin epidemiologjik, mjekues e reanimator, për të cilin Italia, tashmë me eksperiencë, infrastrukturë, e ?çliruar?, duhet të ftohet nga Qeveria?, nënvizon ish-ministri./ CNA.al