web counter
LEXO PA REKLAMA!

SHKARKO APP

App Store
Google Play

E fundit!

x

Ylli Manjani sulmon ndërkombëtarët, thirrje Bashës/ Për aq sa rrinë do bëjnë gjëma!

22 Korrik 2020, 07:57, Politikë CNA

Ish-ministri i Drejtësisë Ylli Manjani, ka sulmuar këtë mëngjes ambasadorët që ndodhen në vendin tonë, teksa komenton marrëveshjen që u nënshkrua mbrëmë nga qeveria me opozitën parlamentare.

Manjani deklaron se marrëveshja e mbrëmshme hodhi tutje marrëveshjen që u nënshkruan më 5 qershor në prani të ambasadorëve të BE-së, SHBA-së dhe Britanisë.

?Shpresoj shumë që shqiptarëve tu ketë dalë pija e ndërkombëtaromahnisë… Teorisë që të ambasadorët e huaj e kanë në dorë këtë vend, iu provua sak idiotësia e saj. Akoma më sak, cullak fare, dolën dekarimet se të huajt po bëjnë drejtësinë, vettingun, SPAK-n etj. Le pastaj budallëkun që FBI ka lënë Amerikën e ka ardhë këtu të na luftojë korrupsionin…

Marrëveshja me Lymin që hodhi në fik marrëveshjen me Kimin, është prova më e sinqertë që tregon se ambasadat e huaja s’kontrollojnë asgjë. Dhe në fakt nuk është as detyrë e as misioni i tyre të qeverisin vendin, të disiplinojnë politikën, të bëjnë ligjet në këtë vend, apo të caktojnë kush hyn në burg e kush jo!!! Kështu ka qenë gjithmonë! Na ra goja duke e thënë…?, shkruan ai në rrjetet sociale.

Ish-ministri i bën thirrje shqiptarëve të mbledhin mendjen dhe të mos besojnë më ndërkombëtarët, ndërsa i thotë opozitës joparlamentare të bindë shqiptarët përse duhet ndjekur ideja e saj.

?E kuptoni sa i çpifur është teatri ku flitet për “aleatë”, “partnerë strategjikë”?! Po aq i çpifur sa teatri “sa mirë ja bëri Rama Lavrovit”, apo “Shqipërinë e duam shumë”… Iku edhe Lavrovi! Kemi Lymin tani… Burri i shtetit që e kishte mirë me Merkelin, Macronit i çoi atlete, mik i Trumpit dhe i Biden, tani është aleat me Lymin, Mondin, Rudinën e Nimetin… Dhe asnjë mik i huaj s’e ndalon dot në marrëzinë që do ti bëjë vendit të vet. Përse duhet ta bëjnë xhanëm?!

Ndaj mblidheni mendjen! Edi Rama dhe i gjithë modeli i tij politik do jenë aty, gjithmonë pa vota, për aq kohë sa ne i lejojmë të rrinë. I lejojmë ne jo të huajt. Për aq sa rrinë do bëjnë gjëma! Dhe boll me ambasadorë! Ja ku i keni sot! Kanë rënë squk. I hodhi në kosh si letra të përdorura, një marrëveshje me Lymin…

Dhe sa i takon Opozitës zyrtare në ka ndonjë ide politike se si ndalet ky vandalizëm, mirë është ta shpalosë me shqiptarët. Ti ftojë e ti bindë përse duhet ndjekur ideja e saj. Flas për ide, projekt apo plan veprimi politik, jo dekarata. Nuk do vijnë ushtarë të huaj të na bëjnë detyrat e shpisë?, nënvizon ai./ CNA.al





Lajmet e fundit nga