web counter
LEXO PA REKLAMA!

SHKARKO APP

App Store
Google Play

E fundit!

x

Pasardhësit e Isa Boletinit i dhurojnë flamurin 108 vjeçar/ Basha: Do e var në zyrën time si kryeministër

21 Korrik 2020, 17:07, Politikë CNA

Kryetari i Republikës së Re Lulzim Basha, ka vizituar sot kullën e Isa Boletinit në Kosovë.

Në një postim në rrjetet sociale, Basha deklaron se u përul para varrit të tij dhe ka përjetuar një emocion të jashtëzakonshëm.

Ai tregon se pasardhësit e Isa Boletinit i kanë dhuruar flamurin 108 vjeçar të heroit shqiptar, të cilin kreu i opozitës premton se do ta vërë në zyrë sapo të bëhet kryeministër.

?Emocion të jashtëzakonshëm përjetova tek kjo kullë e pamposhtur, e rrethuar, e bombarduar dhe e djegur gjashtë herë, por që askush, as dje, as sot dhe as nesër nuk mund ta çrrënjosë.

Kjo kullë sot është prapë e plotë, me të gjithë burrat e saj, si njëherë e një kohë. Isa Boletini është aty bashkë me bijtë e tij e trimat e tjerë të familjes Boletini, që dhanë jetën për këtë tokë.

Isa Boletini jo vetëm prehet në shtëpinë e tij, por edhe në Kosovën e pavarur, në Kosovën e lirë, siç e deshi e për të cilin u sakrifikua ai dhe familja e tij.

Pasardhësit e Isa Boletinit më bënë një nder të veçantë, duke më dhuruar flamurin 108 vjeçar të Isa Boletinit, me të cilin nisi kryengritjen para Shpalljes së Pavarësisë, për ta vënë në zyrën time nesër, si Kryeministër i Shqipërisë.

Ky flamur do të jetë pjesë e pandarë e zyrës time të punës, por bashkë me të familja Boletini, por dhe Kosova më dhanë një përgjegjësi të madhe, dhe unë do të bëj gjithçka, dhe nuk do të kursej asgjë, për t?i shërbyer Kosovës e Shqipërisë, për të ndërtuar të ardhmen tonë e të femijëve tanë, siç e deshën, e për të cilën u flijuan bijtë dhe bijat e kombit tonë?, shkruan Basha./ CNA.al





Lajmet e fundit nga