web counter
LEXO PA REKLAMA!

SHKARKO APP

App Store
Google Play

E fundit!

x

Reforma më e thellë se ç'duket/ Afrim Krasniqi: Po e rrotullojnë për privilegje elektorale

21 Korrik 2020, 17:54, Politikë CNA

Analisti Afrim Krasniqi, drejtues i Institutit të Studimeve Politike, ka folur sot pë A2News për mbledhjen e fundit të Këshillit Politik, ndërsa komentin e tij e ka përmbledhur edhe në një shkrim të shkurtër në rrjetet sociale.

Për Krasniqin, Shqipëria duhet të kishte Reformë Zgjedhore konsensuale, ndërsa në 11 pikat e tjera ende nuk kemi bërë hapa para, referua Agjendës së Bundestagut.

“Nuk kemi asnjë zyrtar të përballur me drejtësinë, nuk kemi hapa konkretë për Gjykatën Kushtetuese, disa nga kandidaturat e rrëzuara kanë qenë fyerje për sistemin vetëm duke kandiduar. Ndryshimet në Kodin Zgjedhor kaluan pa konsultim publik dhe as opinion nga grupet e intreresit, – një standard detyrues ky për parlamentin. Ndërsa shohim mungesën e GJK është ekzekutivi dhe partitë që interpretojnë Kushtetutën dhe kjo sjellje është parademokratike”, citon Krasniqi.

Sipas analistit, mazhoranca ka përgjegjësinë për ta kaluar draftin në Parlament, për arsye se vetë një nga pikat e Këshillit Politik është se marrëveshja kalon pa ndryshime.

“Që në momentin që e ka firmosur këtë gjë, mazhoranca e ka pranuar këtë kosto politike dhe këtë përgjegjësi publike. Fakti që ndryshoi mendje gjatë rrugës nuk lidhet me ndryshimin e raporteve në Parlament, pasi ajo i ka votat e nevojshme për ta kaluar, por lidhet me llogari elektorale dhe me nevojën e saj për të ndryshuar klauzola siç ishte ajo e koalicioneve në mënyrë që të krijojë privilegje elektorale”./CNA.al





Lajmet e fundit nga