E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Rindërtimi/ Ahmetaj: Buxheti i Shtetit akordon 34 miliardë lekë

22 Korrik 2020, 10:14, Politikë CNA

Ministri i Shtetit për Rindërtimin, Arben Ahmetaj, tregoi se Komisioni Shtetëror i Rindërtimit ka marrë 36 vendime.

Në një konferencë për shtyp, ministri tha se sot Buxheti i Shtetit ka akorduar 34 miliardë lekë ose 340 milionë dollarë për rindërtimin për këtë vit.

Ai tregoi se deri më tani janë dhënë 3.337 leje ndërtimi, nga 56.164 aplikime të qytetarëve për prishje të banesave nga tërmeti tragjik i 26 nëntorit.

?Sot Buxheti i Shtetit ka akorduar 34 miliardë lekë ose 340 milionë dollarë për rindërtimin për këtë vit. 272 milionë euro janë dhënë nga donatorët, 5.7 miliardë lekë nga Fondi Shqiptar i Zhvillimit, ndërsa 1.9 miliardë lekë nga bashkia Tiranë. I përmenda këto dy të fundit sepse janë njësi zbatuese.

Në total për t’u rindërtuar janë 143 objekte arsimore, ndër të cilat 33 janë kantierë në ndërtim. 53 prej këtyre godinave do të bëhen nga buxheti i shtetit, ndërsa 90 do të jenë të financuar nga BE. Qëllimi është që me 26 nënëtor nxënësit të futen në këto shkolla dhe ta bëjmë mësimin aty”, u shpreh ai.

Ahmetaj theksoi më tej se: ?Fondi Shqiptar i Zhvillimit ka marrë përsipër 3000 mijë të tilla, ndërsa 600 banesa do të bëhen nga Këshilli Shqiptar i Rindërtimit. Për këto puna do të nisë për 3-4 javë. 80 milionë dollarë janë dhëna nga shteti për 23 mijë familje të cilat kanë pasur nevojë deri më tani sa flasim pavarësisht pandemisë, që ashtu si gjithë botën na goditi ekonominë. Më pas shto këtu edhe tërmetin, pasi këto llogaritet shpenzime ekstra. 50 mln euro do të jenë për trashëgiminë kulturore nga Komisioni Europian. Një ndër to do jetë projekti i Durrësit për amfiteatrin.

Porcesi i ndërtimit ka elementë shumë thelbësor, elementi emocional dhe elementi administrativ. Këto punë nuk bëhen me fjalë, por kjo është një vertetim i asaj që kemi thënë në vazhdimësi. Kemi pasur dy ngarkesa të mëdha, një nga tërmeti një nga pandemia. Për çdo qytetarë që sheh se ndërtimet ecin, apo mbyllja e lokaleve të natës, do të thotë se kush janë ata që përgjigjen. Kjo qeveri nuk përgjigjet vetëm për ditë të mira?./ CNA.al