web counter
LEXO PA REKLAMA!

SHKARKO APP

App Store
Google Play

E fundit!

x

Nëntë propozimet e Arben Malajt për zgjidhjen e krizës politike 

22 Korrik 2020, 10:27, Politikë CNA

Ish-ministri i Financave, Arben Malaj ka bërë nëntë propozime, që sipas tij i shërbejnë zgjidhjes së krizës politike.

Në një postim në rrjetet sociale, Malaj thekson se këto janë propozime, që vijnë nga përvoja e tij në politikë, ndërsa shton se objekti kryesor është rritja e demokracisë funksionale.

?Ssi zgjidhet kriza aktuale?!! 9 propozime dhe ftesë për shkëmbim të ideve. Objekti kryesor ? rritja e demokracisë funksionale, reduktimi dhe eliminimi i krizave politike. Aktualisht për vendin tonë prioriteti i prioriteteve është çelja e negociatave të BE-së që është kushtëzuar me 15 kushte dhe më kryesori, që aktualisht është mbi tavolinat e partive politike është miratimi unik dhe i pa cënuar i marrëveshjes së 5 qershorit. Kriza aktuale lehtësohet edhe nga fillimi i diskutimeve për ndryshime potenciale në kushtetutë për sistemin zgjedhor, për zgjedhjet e ardhshme 2025.

Dalja nga kriza mund të bëhet me dy faza: Faza e parë – Miratimi ditën e nesërme i ndryshimeve sipas marrëveshjes së 5 Qershorit 2020. Faza e dytë – Një reformim më i thellë, më i plotë dhe më i mirë studiuar për ndryshimet kushtetuese lidhur me sistemin dhe administrimin zgjedhor.

Hapja e debatit publik për ndryshimet e ardhshme kushtetuese dhe ligjet respektive mund të përfshijë:
1. Rishikimin e hartës administrative – rritjen e numrit të bashkive nga 61 në 100:
2. Reduktimin e numrit të deputetëve me rreth 30% nga 140 në 100:
3. Kalimin në sistemin parlamentar me dy dhoma – kërkon diskutim shumë të kujdesshëm:
4. Kalimin në sistemin zgjedhor nga ai aktual në mazhoritar me dy raunde:
5. Diskutimin e opsioneve për nivele të shëndetshme të demokracisë së pragut elekoral:
6. Kalimi me dy raunde i zgjedhjeve për kryetar bashkie:
7. Kalimi me zgjedhje të drejtpërdrejtë i anëtarëve të këshillave bashkiak – demokracia vendore është thelbi i qeverisjes
demokratike:
8. Kufizimi me ligj që çdo ndryshim në sistemin zgjedhor të bëhet të paktën 2 vite përpara zgjedhjeve të ardhshme dhe çdo ndryshim në administrimin zgjedhor të bëhet 1 vit përpara zgjedhjeve:
9. Administrimi zgjedhor të kryhet nga individë të përzgjedhur jo nga partitë politike, por të trajnuar dhe çertifikuar për njohuritë e tyre edhe juridike për menaxhimin e proceseve elektorale përpara, gjatë dhe pas ditës së zgjedhjeve.

Keto propozime alternative jane personale bazuar ne pervojen dhe angazhimet publike dhe politike. Qendrimet e PAA jane unike ne qendrimet e opozites se bashkuar.?-shkruan Arben Malaj./ CNA.al





Lajmet e fundit nga