web counter
LEXO PA REKLAMA!

SHKARKO APP

App Store
Google Play

Hajdari thirrje publike Bashës/ “Të vijë vetë në tryezë, s'duhet të fshihet pas gishtit…”

20 Korrik 2020, 15:01, Politikë CNA

Deputetja Rudina Hajdari, ka dhënë një deklaratë publike pas përfundimit të mbledhjes së Këshillit Politik në Pallatin e Kongreseve.

Hajdari pyeti publikisht kryetarin e Republikës së Re Lulzim Basha se përse i dogji mandatet.

?I bëj thirrje Lulzim Bashës dhe PD-së që të mos rreshtojë demokratët në rresht me ata që duan lista të mbyllura. Përndryshe ata do të jenë në anën e keqe të historisë. Kemi një shans për të përqafuar një kauzë për të pasur një ndryshim rrënjësor për zgjedhjet e ardhshme parlamentare. Nëse mendoni që në këtë këshill vihet për një marrëveshje, marrëveshje për të cilën pranuan se nuk është e plotë, pasi nuk adreson shit-blerjen e votës, atëherë kam një pyetje: Pse e le Parlamentin zoti Basha? Pse i rreshtove njerëzit në rrugë dhe nuk e sigurove dot këtë luftën kundër shit-blerjes së votës??, u shpreh ajo.

Gjithashtu deputetja kërkoi që Basha të vijë vetë në tryezën e Këshillit Politik dhe të diskutojë për Reformën Zgjedhore pa u fshehur pas Gazment Bardhit.

?Ky është një shans dhe një shtrirje e dorës që të reshtohen në këtë kauzë parimore. Mos u rreshtoni me Rudina Hajdarin, as me Murrizin, mos u rreshtoni me një person por me qytetarë që duan këtë ndryshim thelbësor. 5-Qershori është një pikë nisjeje dhe nuk është fundi i rrugës. Nuk mundet që demokratët të lënë negociimin e kësaj marrëveshje në dorën e një personi që nuk ka mandat, dhe nuk ka tagrin e një vote.

Po bëjmë Reformë Zgjedhore dhe PD-ja është votuar nga 400 mijë votues a më shumë. Sot erdhi një person me zero vota për të mbrojtur një marrëveshje për Reformën Zgjedhore. Zoti Basha duhet të vijë, të bëjë një Reformë Zgjedhore, sepse e ardhmja e Shqipërisë nuk pret. Nuk duhet të fshihemi pas gishtit dhe të themi se kjo marrëveshje ka gëzimin e ndërkombëtarëve. Nuk mund ta quajmë marrëveshje nëse nuk ka gëzimin e shqiptarëve?, theksoi Hajdari./ CNA.al





Lajmet e fundit nga