web counter
LEXO PA REKLAMA!

SHKARKO APP

App Store
Google Play

Debate në Këshillin Politik/ Rama ndërpret mbledhjen te Pallati i Kongreseve

20 Korrik 2020, 12:02, Politikë CNA

Pak momente më parë është ndërprerë mbledhja e Këshillit Politik, ku po diskutohet çështja e hapjes së listave dhe koalicionet.

Mësohet se ndërprerja është kërkuar nga kryeministri Edi Rama pas disa debateve të forta për hapjen e listave dhe koalicionet.

Kryeministri ka kërkuar që të rihapet marrëveshja e 5 qershorit, por kjo ëstë kundërshtuar me forcë nga sekretari i përgjithshëm i PD-së Gazment Bardhi.

?Kuptuam nga diskutimi i Kryetarit të Partisë Socialiste që qëllimi është të rihapim edhe njëherë diskutimin për përmbajtjen e marrëveshjes së 5 Qershorit dhe të bëjnë ndryshime të saj. Drafti i marrëveshjes së 5 Qershorit është produkt i një pune të përbashkët 6 mujore, është miratuar dhe nënshkruar me konsensusin e të gjitha palëve, me mbështetjen e partnerëve ndërkombëtarë.

Ne i qëndrojmë firmës sonë dhe deklarojmë që nuk mund të rishihet apo rishkruhet asnjë fjalë ndryshe nga ajo që palët kanë dakordësuar dhe nënshkruar bashkërisht. Çështjet që ju shtruat bien në kundërshtim dhe ndryshojnë Marrëveshjen e 5 Qershorit dhe prishin dakordësinë që ne kemi arritur aty. (nenet 19 dhe 36 të draftit të nënshtruar në zbatim të marrëveshjes së 5 Qershorit).

Gjithashtu, në mbledhjet e Këshillit Politik, por edhe gjatë diskutimeve në Rezidencën e Ambasadores së SHBA-së, përfaqësuesi zyrtar i Partisë Socialiste nuk ka dhënë konsensusin për ndryshimin e sistemit zgjedhor dhe ka dakordësuar se kjo çështje nuk mund të diskutohet tani, por në një fazë më të vonshme.

Ky fakt konfirmohet edhe nga përmbajtja e marrëveshjes së 5 Qershorit, ku specifikohet në shënimin nr. 2 që ?nuk ka konsensus për ndryshimin e sistemit?. Sipas pikës 12 të marrëveshjes së firmosur më 5 Qershor ?12. Hyrja në fuqi?: ?ky shënim është i zbatueshëm për zgjedhjet e rradhës?, ka deklaruar Bardhi./ CNA.al





Lajmet e fundit nga