E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

Fino i ashpër me relatorët/ “Sot ose shkarkojmë Presidentin, ose shkarkojmë Republikën"

20 Korrik 2020, 10:58, Politikë CNA

Socialisti Bashkim Fino ka kundërshtuar raportin e Komisionit Hetimor për çështjen e shkarkimit të presidentit Ilir Meta.

Në mbledhjen që po mbahet sot, Fino u tregua i ashpër me relatorët, pasi deklaroi se raporti i vinte vërdallë çështjes sikur Komisioni të ishte krijuar për të dhënë opinion për një projekt-ligj të zakonshëm.

Ai theksoi se Komisioni Hetimor u ngrit për të iniciuar procedurat e shkarkimit, jo për të analizuar sjelljen presidenciale.

?Komisioni u ngrit për të iniciuar procedurat e shkarkimit, jo për të analizuar sjelljen presidenciale. Nuk ka dispozita as në Kushtetutë e as në Rregulloren e Kuvendit që na autorizojnë të ngremë struktura parlamentare, për ti vënë notë në sjellje Presidentit.

Ishte lista e shkeljeve dhe motivi keqdashës që e bënin të rëndë shkeljen presidenciale. Ndaj analiza jonë sot duhet të ketë në fokus jo atë që ndodhi, por atë që do kishte ndodhur nëse ky Kuvend do kish pranuar në heshtje ç? dekretin Presidencial të formatuar si vullnet politik i opozitës për anulimin e zgjedhjeve të datës 30 qershor.

Përfytyroni pak se si do të ish Shqipëria e 1 korrikut 2019 e deri sot në Korrik 2020, nëse në 30 Qershor ky vend nuk do kish zhvilluar zgjedhjet lokale! Shikoni Shkodrën të kuptoni sadopak! Si Shkodra do ishte sot e gjithë Shqipëria! Sa do vazhdoje historia e Shkodrës? Askush nuk di ta thotë këtë. Me një pushtet lokal të asfiksuar dhe pa tagre pushteti dhe me një opozitë që me letrën e presidentit në dorë do kish marrë peng demokracinë.

Tek pasoja e dëshiruar qëndron shkelja e rëndë! Tek pasoja e dëshiruar qëndron faji kushtetues! Ky ishte interpretimi dhe analiza politike që i takonte Kuvendit që ta bënte nëpërmjet Komisionit që u propozua të ngrihet. Më pas maxhoranca duhet të priste dhe mirëpriste me durim interpretimin e Gjykatës Kushtetuese. Por çfarë kemi sot?!?, u shpreh ai.

Socialisti theksoi se Komisioni duhet të marrë një vendim për shkarkimin e Metës dhe nuk duhet të bëjë vetëm ?vërejtje me shkrim për shokun Ilir Meta?.

?Ne nuk e ngritëm këtë komision që të prodhonim rezolutë për Kuvendin, a thua se faji paska qenë i Kuvendit për sa ngjau. Unë e kuptoj që në qëndrime politike duhet mbrojtur dinjiteti politik. Por dinjitetin politik nuk e mbrojmë të vetëm! Se dinjitetin politik edhe po nuk e mbrojta unë, e mbron Ulsiu, e mbron Taulanti, e mbrojmë të gjithë bashkë.

Por dinjitetin personal e mbrojmë secili për vete. Dhe unë flas sepse më duhet të mbroj dinjitetin tim personal. Të nderuar kolegë! Unë ju ftoj që të bëhemi seriozë. Sot ne kemi vetëm dy opsione: PRO ose KUNDER asaj që kemi vendosur si objekt për veprimtarinë e këtij Komisioni.

E kemi nisur këtë Komision me shqyrtimin e çështjes me objekt ?Shkarkimin e Zotit Ilir Meta nga posti i Presidentit të Republikës?. Nuk mund ta mbyllim këtë Komision duke modifikuar objektin e veprimtarisë në: ?vërejtje për Zotin Meta në detyrë President i Republikës?. Maxhoranca sot ka vetëm dy opsione:

1- Ose voton për ?shkarkimin e Presidentit të Republikës?,

2- Ose voton ?kundra shkarkimit të Presidentit? duke votuar pro ?shkarkimit| të Republikës?.

Unë Ju ftoj të reflektojmë duke kujtuar pak jo vetëm gjithë sa ka bërë, por edhe pak nga ato që ka thënë Presidenti: Presidenti foli për anëtarë të një grupit të organizuar kriminal që pa ja vënë veshin atij, vendosi të zbatojë Kushtetutën dhe të zhvillojë zgjedhjet lokale në datë 30 Qershor. Ndaj ne sot nuk mund të përgjigjemi si grup kriminal i marrë ndërkohë peng nga Presidenti e që për këtë arsye sot po arsyetojmë që nuk ekzistuakan më shkaqet për shkarkim. Ndaj unë Ju ftoj të reflektojmë përpara se çështja të votohet në seancë plenare?, nënvizoi më tej Fino./ CNA.al