web counter
LEXO PA REKLAMA!

SHKARKO APP

App Store
Google Play

Bëhuni të përgjegjshëm, votoni “5  qershorin”/ PAA mbështet takimin e Këshillit Politik

19 Korrik 2020, 19:34, Politikë CNA

Partia Agrare Ambientaliste mbështet  takimin e Këshillit Politik, të planifikuar paraditen e kësaj të hëne, me thirrjen që marrëveshja e 5 qershorit të votohet unanimisht në parlament. Përmes një delarate, Partia e drejtuar nga Agron Duka sqaron se nuk është koha për të kërkuar ndryshime kushtetuese, pasi për këto të fundit nevojitet një periudhë e gjatë kohore, shoqëruar me konsultim publik.

?PAA vlerëson dhe mbështet takimin e këshillit politik për të konfirmuar votimin unanim në Kuvend të marrëveshjes së 5 qershorit duke i hapur rrugën procesit të çeljes së negociatave si prioriteti kryesor i Shqipërisë dhe kombit shqiptar.  PAA vlerëson se çdo propozim shtesë për ndryshime kushtetuese kërkon një proces më të gjatë konsultimi publik?, shkruhet në deklaratën e PAA-së.

PAA ka edhe një apel, që u kujton të  tregohen të përgjegjëshëm.

?Çdo mbivendosje e prioriteteve që cënon marrëveshjen e 5 qershorit dhe çdo përpjekje e  sforcuar e maxhorancës për të mos vepruar me forcën e përgjegjësisë ndaj vendit por me forcën e kartonave, dëmton rëndë ambientin social dhe politik në vend, ngadalëson dhe vonon procesin e integrimit si dhe e bën më të vështirë përballjen me krizën sociale ekonomike dhe buxhetore të krijuar nga tërmeti, pandemia por edhe nga keq-qeverisja e vendit. Është koha për përgjegjësi dhe jo për arrogancë kartonash.?, mbyllet deklarata. /CNA.al  





Lajmet e fundit nga