web counter
LEXO PA REKLAMA!

SHKARKO APP

App Store
Google Play

Zbardhet takimi i Bashës me Thaçin/ Ja për çfarë u diskutua

20 Korrik 2020, 13:26, Politikë CNA

Kryetari i Partisë Demokratike, Lulzim Basha ndodhet në Kosovë, ku po zhvillon një viztë zyrtare.

Pas takimit me kryeministrin Hoti, Basha ka zhvilluar një takim me presidentin e Kosovës, Hashim Thaçi.

Pata kënaqësinë të bisedoja dhe shkëmbeja mendime me Presidentin Hashim Thaçi.

Në një postim në rrjetet sociale, ndërsa ka zbardhur detaje nga takimi me Thaçin, Basha shkruan se luftën e UÇK-së nuk mund ta përbaltë askush dhe se drejtësia do të triumfojë.

?Diskutuam për hapat që po hidhen në drejtim të dialogut midis Republikës së Kosovës dhe Republikës së Serbisë, që kanë qëllim dhe objektiv final, njohjen reciproke.

Bashkërendimi i ngushtë midis SHBA dhe BE, ka qenë dhe mbetet një parakusht për suksesin e çdo iniciative në raport me stabilizimin përfundimtar dhe perspektivën europiane dhe euroatlantike të rajonit.

Për sa i përket aktakuzës ndaj Presidentit Thaçi, shpreha bindjen time se luftën e UÇK-së nuk mund ta përbaltë askush. Ajo është një luftë e drejtë, për të cilën kanë sakrifikuar jetën ndër shekuj bijtë dhe bijat e Kosovës.

Drejtësia duhet të bëjë natyrisht punën e saj, por ndryshe nga agresori, asnjë nga komandantët apo ushtarët e UÇK-së nuk i kanë ikur asaj, por janë përballur me nder dhe dinjitet. Vlerësova me këtë rast dhe qasjen e Presidentit Thaçi, i cili për katër ditë me radhë, iu përgjigj pyetjeve të prokurorëve, dhe besoj se do të dalë faqebardhë në këtë betejë. Shqiptarët s?kanë qenë kurrë agresorë, por viktima të dhunës dhe spastrimit etnik. Sigurisht që nuk është e drejtë që më shumë është hetuar e gjykuar viktima se agresori, por kam besim të plotë se drejtësia do të triumfojë sërish.?-shkruan Basha.





Lajmet e fundit nga