web counter
LEXO PA REKLAMA!

SHKARKO APP

App Store
Google Play

Përfundon pas 5 orësh mbledhja e Këshillit Politik/ Vetëmdebate, palët larg paktit

20 Korrik 2020, 14:31, Politikë CNA

Ka përfunduar pas më shumë se 5 orësh diskutime mbledhja e Këshillit Politik për Reformën Zgjedhore.

Mësohet se mbledhjes është shoqëruar me debate mes palëve politike, ndërsa kryeministri Rama ka thënë se i qëndron marrëveshjes së 5 qershorit.

?Që marrëveshja të miratohet duhen votat në Kuvend. I qëndrojmë marrëveshjes së 5 qershorit. Marrëveshja duhet miratuar. Ne si mazhorancë nuk i kemi votat për ta miratuar. Korrektimi në kod i përket vetëm hapjes së listave?, mësohet të ketë thënë Rama.

Ndërsa sekretari i Përgjithshëm i PD Gazment Bardhi ka deklaruar në mbledhje se PS ka qëllim të rihapë edhe njëherë diskutimin për marrëveshjen e 5 qershorit, edhe pse kjo e fundit është miratuar me konsesusin e të gjitha palëve.

?Kuptuam nga diskutimi i Kryetarit të Partisë Socialiste që qëllimi është të rihapim edhe njëherë diskutimin për përmbajtjen e marrëveshjes së 5 qershorit dhe të bëjnë ndryshime të saj. Drafti i marrëveshjes së 5 qershorit është produkt i një pune të përbashkët 6 mujore, është miratuar dhe nënshkruar me konsensusin e të gjitha palëve, me mbështetjen e partnerëve ndërkombëtarë. Ne i qëndrojmë firmës sonë dhe deklarojmë që nuk mund të rishikohet apo rishkruhet asnjë fjalë ndryshe nga ajo që palët kanë dakordësuar dhe nënshkruar bashkërisht. Çështjet që ju shtruat bien në kundërshtim dhe ndryshojnë marrëveshjen e 5 qershorit dhe prishin dakordësinë që ne kemi arritur aty.”/CNA.al

 





Lajmet e fundit nga