web counter
LEXO PA REKLAMA!

SHKARKO APP

App Store
Google Play

Listat dhe koalicionet/ Nard Ndoka skeptik: Nuk po shoh të shkohet drejt zgjidhjes

17 Korrik 2020, 21:27, Politikë CNA

Pas propozimit të presidentit Ilir Meta dhe kryetarit të Republikës së Re Lulzim Basha, për tu rikthyer në tryezën e Këshillit Politik, ku do të diskutohen listat dhe koalicionet, u gjet një dakordësi dhe u vendos që të mblidhet të hënën.

Mirëpo aleati i Bashës Nard Ndoka është shprehur skeptik dhe deklaroi se nuk po sheh një zgjidhje për këto dy çështje.

?Unë nuk e shoh që po shkohet drejt zgjidhjes. Rama po bën një qok në këtë rast për tu përpjekur të mos marrë të gjithë peshën e fajit në këto momente duke refuzuar edhe një ftesë për tryezë. Rama nuk ka propozime që të përmirësojë standartet. Në propozimet e tij ka ndryshimin e rregullave në mënyrë të njëanshme. Edhe ndryshimet kushtetuese janë të paprecedenta në këto 30 vite. Nuk është diçka e re. Edhe sa i përket listave, nuk kemi një hapje. Në formën si është paraqitur nuk e kemi. Realisht nuk ka një garë. Është një keqpërdorje e atyre deputetëve të pavarur në parlament?, u shpreh ai në Rtv Ora.

Kryetari i Partisë Demokristiane kritikoi edhe deputetët e opozitës parlamentare, për të cilët ngriti akuza se po keqpërdoren nga kryeministri Rama.

?Për fatin e keq ajo nuk e përfaqëson opozitën. Ato janë të përjashtuar nga partitë e tyre që kanë qenë në lista. Një pjesë e mirë e tyre është vendosur përtej 100 përqindshit të listave. Ata nuk përfaqësojnë asnjë elektorat dhe as qytetarët, besoj se kjo u heq të drejtën politike dhe ligjore. E kanë shfrytëzuar këtë boshllëk të krijuar. Rama po i keqpërdor. Ata mund të krijojnë sot partinë politike, mund të votojnë qytetarët nëse dalin me një platformë e me kauzë që do ta shembim klasën e vjetër politike e kanë të drejtën për të kërkuar ndryshime kushtetuese pasi janë në shumicë. Koha do t?i dënojë ato?, theksoi Ndoka./ CNA.al





Lajmet e fundit nga