web counter
LEXO PA REKLAMA!

SHKARKO APP

App Store
Google Play

Hapja e laboratorit të dytë për testimet/ Spahia: Veprim i vonuar

17 Korrik 2020, 19:37, Politikë CNA

Ish-deputeti i PD-së, Bardh Spahia vlerësoi se hapja e një laboratori të dytë për të testuar të dyshuarit për koronavirus është një masë e marrë me vonesë. Përmes një postimi në ?Facebook?, ai deklaroi se në momentin që nisi rritja e numrit të rasteve të reja, duhet të ishin shtuar edhe testimet. Sipas tij, kjo nuk u bë sepse autoriteteve u mungonin kitet.

?Fakt është se rritja e numrit të infektuarve, nuk u shoqërua aspak me rritje të numrit të testeve, pavarësisht kërkesave që nuk vinin vetëm nga opozita!!! Vënia në funksion e laboratorit të dytë publik është një gjest i vonuar, për shkak të papërgjegjshmërisë a paaftësisë, këtë le ta ndajnë vetë ?ekspertët? së pari, që vec ulën kokën e zbatuan urdhërat politikë! Laboratori i QSUT aty ka qenë gjithnjë funksional. Thjesht i nevojiteshin kitet e duhura për Covid e për këtë rilindjes iu deshën gati 5 muaj kohë!?

Bardh Spahia theksoi se sa më shumë testime e gjurmime të kryhen, aq më i suksesshëm do të jetë menaxhimi i pandemisë.

“Sa më shumë testime e gjurmime, protokolli bazë i ndjekur nga çdo vend, si çelësi i suksesit për përballimin e Covid-19, do të duhej të ishte kuptuar tashmë edhe në Shqipëri, mbi 4 muaj nga shpallja zyrtare e rastit të parë të infektuar në vend! Pajisjet mbrojtëse për personelin shëndetësor të çdo niveli, mbeten po aq jetike, pasi u japin atyre sigurinë e nevojshme për të kryer si duhet e pa frikë detyrën e tyre të vështirë! Zonja ministre, personeli shëndetësor duhet të jetë prioritet absolut në këtë fazë delikate të goditjes së virusit”, shkruan Spahia. /CNA.al





Lajmet e fundit nga