E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Rama i bashkohet Këshillit Politik/ Opozita konfirmon pjesëmarrjen pa Bashën

17 Korrik 2020, 17:09, Politikë CNA

Dy përfaqësuesit e opozitës së bashkuar në tryezën e Këshillit Politik, Oerd Bylykbashi dhe Petrit Vasili kanë konfirmuar pjesëmarrjen në tryezë pas thirrjes së socialistit Damian Gjiknuri.

Bylykbashi e Vasili deklarojnë se mirëpresin reflektimin e mazhorancës për të diskutuar çdo çështje lidhur me zgjedhjet.

Ata kërkojnë edhe njëherë miratimin sa më parë të çështjeve të dakordësuara në marrëveshjen e 5 qershorit.

?Në emër të opozitës, mirëpresim reflektimin tuaj për të vijuar diskutimin dhe vendimmarrjen konsensuale në Këshillin Politik për çdo çështje lidhur me zgjedhjet, siç kemi rënë dakord me shkrim në Marrëveshjen Politike të 14 Janarit dhe Dakordësinë e 5 Qershorit.

Paraprakisht ju konfirmojmë se dokumenti i depozituar nga një grup deputetësh të mazhorancës dhe që përmban produktin e dakordësuar në Tryezën e Këshillit Politik (siç ju rikonfirmoni me e-mail më sipër) duhet të miratohet sa më parë dhe pa asnjë ndryshim, dhe për këtë arsye, nuk mund të rihapet asnjë çështje që është dakordësuar aty.

Për çdo çështje tjetër, ne jemi të gatshëm, në orën e caktuar nga ana juaj, si të hënë ashtu edhe të martën, pa patur një preferencë për këtë. Presim konfirmimin tuaj për ditën që ju preferoni, duke shprehur gatishmërinë tonë për pjesëmarrjen në atë mbledhje?, shprehen ata.

Ndërkohë, në lidhje me bashkimin e kryeministrit Edi Rama në këtë tryezë, opozitarët tregojnë se Lulzim Basha nuk do të ulet me ta por do të përfaqësohet nga Gazment Bardhi.

?Në lidhje me ndryshimin e formatit të përbërjes së Këshillit Politik, nëse ju keni vlerësuar si të përshtatshme zgjerimin e përfaqësuesve të partive politike në Grupin e Punës së Këshillit Politik, atëherë ju bëjmë me dije se Opozita e Bashkuar do të përfaqësohet përveç nesh, edhe nga Sekretari i Përgjithshëm i Partisë Demokratike z. Gazment Bardhi. Mbetemi në pritje të konfirmimit të ditës nga ana juaj?, përfundon deklarata./ CNA.al