Ekskluzive-Zbulohen kandidatët për deputetë dhe kryebashkiakë në Korçë/ Ja lista e plotë

17 Korrik 2020, 10:50, Politikë CNA

Prej disa javësh në degët e Partisë Demokratike ka filluar zgjedhja e kandidatëve të cilët propozohen nga strukturat e bazës, për ti dhënë më pas Republikës së re listën e plotë të atyre emrave të cilët do të garojnë në vitin 2021 përballë Rilindjes.

Në fakt në një udhëzim Lulzim Basha e ka përcaktuar qartë se gati 30% e listës do të jenë femrat dhe 20% tjetër të listës do ta plotësojë ai. Ç?ka do të thotë se më shumë se gjysma e emrave do të jenë vendosur nga qendra.

Por gjithësesi bazës këtë herë po i bëhet qejfi, duke nxjerrë disa emra gjoja me idenë se PD është hapur dhe emrat i propozon vetë anëtarësia.

Nga të dhënat zyrtare të konfirmuara për CNA.al nga dega e Partisë Demokratike në Korçë, emrat e propozuara janë:

Sorina Koti,

Ledina Aliolli, ish-deputete

Andrea Mano,

Aldo Mano,

Dhimitraq Çyfeku,

Aurel Fidani,

Ergys Haruni,

Gjergji Mero,

Ervin Salianji,

Kristi Korçibelli,

Mateo Spaho,

Besa Petriti,

Niko Doku,

Gjergji Gjata,

Ledion Kolçinaku,

Edi Malelli, etj.

Në fakt ajo që bie në sy në listën e kandidatëve të propozuar në Korçë janë Aldo Mano dhe Andrea Mano.Por në fakt ky është i njëjti person. Ish-kreu i degës, njeriu që ka kandiduar më shumë se pesë herë dhe vetëm ka humbur.

Emrat e propozuar në Bashkinë e Korçës do të pasohen dhe nga shumë emra të tjerë, të cilët janë propozuar në Kolonjë, Devoll, bashkitë Pustec dhe atë të Pogradecit për të bërë më pas bashkimin e tyre. Një filtrim në kryesitë e degëve, më pas do të jetë qendra ajo që do të vendosë se cilët do të jenë emrat për t?u rikthyer për t?u votuar në bazë.

Në fakt thuajse shumica dihen, por sipas Lulzim Bashës do të jenë të zgjedhurit e anëtarësisë për të garuar si kandidatë për deputetë të Republikës së re./ CNA.al

Fakti-Basha tallet me kandidatët për deputetë/ Listat do i plotësojë vetë

Ekskluzive/ Zbulohen 21 emrat e rinj të listës Basha

Ekskluzive/ Zbulohen 24 emrat që Basha do rikandidojë nga ish-deputetët e 2017

Ekskluzive/ Formularët tallje, zbulohen kandidatët e Luli Bashës në shumicën e qarqeve