web counter
LEXO PA REKLAMA!

SHKARKO APP

App Store
Google Play

E fundit!

x

Nisën të hapin listat dhe masakruan sërish Kushtetutën

14 Korrik 2020, 18:13, Politikë CNA

Ndodhi njësoj si me ndryshimet e Kodit Zgjedhor.

Ndryshimet e Kodit Zgjedhor u nisën që:

-Të reflektoheshin rekomandimet e OSBE-ODIHR;

– të depolitizonin administratën zgjedhore;

– të ngrinin një KQZ të palidhur me propozime kandidaturash nga palë politike;

– të kontrollonin financimin e partive politike.

Përfunduan në:

– rekomandimet e OSBE-ODIHR të hedhura në kosh e të harruara mbase përgjjthmonë;

– thellim të politizimit të administratës zgjedhore;

– riformatim të KQZ tashmë me përfaqësues vetëm nga PD-PS-LSI;

– u harrua fare kontrolli i financimit të partive politike.

Ndryshimet e Kushtetutës u nisën siç u tha:

– për të hapur listat;

– për të pastruar listat politike;

– për të ushqyer pluralizmin dhe lindjen e alternativave të reja politike.

Përfundoi me:

– listat nuk u hapën, por u kyçën fort në zonën që përbën fashën e sigurtë në çdo palë zgjedhje;

– pastrimi i listave u zëvendësua me formulën “1 burrë, 1 grua” në respekt të radhëve te dyqani i bukës përpara ’90-ës;

– alternativat politike serioze, u zëvendësuan me “heqim fare pragun që të hyjë çdo kandidat i pavarur, ngado që të shfaqet”.

Kushtetuta u zhgarravit sërish. Siç u zhgarravit kur nisi Reforma në Drejtësi.

Atë s’kemi nevojë ta shpjegojmë se si bitisi.

Nuk kanë fund gëzimet që i ofron politika shqiptarëve.

U bë për të thënë: me kaq qoftë!/ CNA.al





Lajmet e fundit nga