E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Mos u tremb Luli, Rama nuk i hapi listat

14 Korrik 2020, 18:05, Politikë CNA

U tallën!

Listat nuk u hapën.

Ndryshimet kushtetuese nuk hapin listat ashtu siç kjo hapje kërkohet dhe është kuptuar nga shqiptarët.

Vota e shqiptarëve nuk do ndryshojë asgjë, nga vullneti i shprehur i kryetarëve të partive politike.

33% e listave, që i takojnë emrave nga i pari deri te takuesi që i përket fashës që përben 33 % të listës për rajonin, do të mbeten të pandryshuar. Si edhe me parë, i pari i listës, del i pari si deputet, me votat që shkojnë për partinë politike të cilës i përket kandidati.

Kështu me radhë për çdo qark. 1/3 e listës është tashmë e kyçur. E pranoi edhe Rama kur tha: do hapim listat QË NJË PJESË TA VENDOSË PARTIA DHE NJË PJESË POPULLI.

Në Tiranë p.sh, ku dalin gjithsej 34 deputetë, 11 të parët e listës i vendos kryetari.

Qytetarët mund edhe mos i votojnë fare asnjërin prej tyre. Por secili nga ata është dhe mbetet deputet i zgjedhur me “votën e popullit” dhe do të mbajë sovranitetin popullor.

Në Tiranë mund të votosh e të zgjedhësh midis emrave nga 12 e poshtë. Aty mbase mund të zgjedhësh.

Kështu 11 të parët në PD ishin dhe mbeten kuota e Lulit.

Me justifikimin e ruajtjes së kuotës gjinore, Rama u tall dhe gënjeu gjithë burrat dhe gratë shqiptare.

Shfuqizoi nga kushtetuta të drejtën e koalicioneve parazgjedhore me lista të përbëra dhe bëri sikur hapi listat.

Luli që ish në sfond gjatë gjithë kohës, bëri si i nxehur.

Të dy bënë as më pak e as më shumë sesa atë që bënë edhe në 2017. Ndaluan koalicionet si në 2017-n.

Askush nuk ndalon Luli Bashën që të fusë në listë nën siglën PD+LSI, Monikën dhe Petrit Vasilin.

Në fashën prej 11 të parëve si kandidatë për deputetë në Tiranë, Luli Basha do vendosë 6 nga PD, 3 nga LSI, 1 nga PR dhe p.sh 1 nga PDIU.

Kështu me radhë në gjithë Shqipërinë.

Dhe pas kësaj demokratët do shkulen me kuç e me maç, nga çdo anë e skutë që të votojne listat e mrekullisë.

Vetëm se aman të bëjnë kujdes se te këta 11 duhen 1 burrë, 1 grua sepse duhet të ruhet kuota gjinore.

Tani analizojmë pak prioritetet e Lulit që janë arkëtimet tek arka e kunatit.

30% e listës do jetë në dorë të PD+LSI+kryetarë aleatë.

Mund të presupozojmë që LSI me aleatët e tjerë nuk do duan gjysmën e listës. Nuk e kërkojnë dot. Është e pamundur të marrin më shume se 10% të listave që i korrespondojnë zonës së gjelbër.

20 % i asaj zone është i Lulit. E thotë edhe udhëzimi i Gazit! Nuk e shfuqizojmë dot udhëzimin, për punë ndryshimesh kushtetuese.

Ndryshimet kushtetuese nuk mund të prekin arkën e kunatit. Rama e dinte këtë.

Ndaj Luli doli sot si kokorroç.

Luli nuk ka pse të ketë frikë.

Rama nuk i hapi listat. /CNA.al