E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Tamponët jepen me racion”/ Spahia thirrje Manastirliut: Merr masa për kite të tjera testesh

14 Korrik 2020, 14:57, Politikë CNA

Ish-deputeti i Partisë Demokratike, Bardh Spahia, ka reaguar me tone të ashpra pas videos së ministrisë së Shëndetësisë me pamjet nga inspektimi në Qendrën Shëndetësore nr. 8 në Tiranë.

Spahia e cilëson propagandë këtë video të ministrisë, ndërsa pretendon se sot u vu edhe njëherë në pah mungesa e vëmendjes ndaj personelit shëndetësor.

?Por realiteti edhe sot i doli më kokëfortë se akrobacitë e propagandës, si për mungesën e vëmendjes ndaj personelit shëndetësor ashtu edhe për tamponë që jepen me racion kur kërkohen, e për qokë sa herë ka rast. Denoncimi që përcollëm pak ditë më parë se në Shkodër jepeshin me racion 5 tamponë në ditë, u duk si rast i izoluar, por nuk është kështu?, shkruan ai në rrjetet sociale.

Demokrati përmend denoncimim e kryetarit të Konfederatës së Mjekëve të Durrësit dhe atë të Shoqatës së Infermierëve dhe deklaron se këto raste vërtetojnë se situata ka dalë jashtë kontrollit.

?Sot ndoqa me shqetësim denoncimim e kryetarit të Konfederatës së Mjekëve të Durrësit, që deklaronte se u jepeshin vetëm 15 tamponë në ditë, e ISHP refuzonte t?u jepte më shumë, pavarësisht nevojës shumë më të madhe, e më pas thjesht nuk u përgjigjej telefonatave. Akoma më shqetësues ishte denoncimi nga Shoqata e Infermierëve të Shqipërisë, i rastit të një infermiereje me simptoma prej 4 ditësh, pjesë e ekipit që kishte trajtuar punonjësit me shenja Covid-i të një fasonerie, të cilës nuk i bëhej tamponi!!! Këto janë raste konkrete dhe kanë të bëjnë me sigurinë si të personelit ashtu edhe të qytetarëve.

As edhe njëherë të vetme zonja ministre nuk flet për këtë situatë, ndërsa kryeministri ka hequr dorë dhe është fshehur, qëkur situata i ka dalë jashtë kontrollit! Nuk ka qeveri në planet, që të jetë kaq mospërfillëse për një situatë të cilën e ka krijuar me papërgjegjshmërinë e saj! Një dështim që mban emrin e Edi Ramës dhe të gjithë atyre që në mënyrë militanteske besuan dhe ende besojnë se situata mund të vihet nën kontroll me propagandë! Zonja ministre merr masa , sepse kjo rritje e përditshme e numrave të të infektuarve, imponon gjurmim serioz të kontakteve, shumë më të larta në stinë pushimesh, se në periudhat e tjera të vitit!?, nënvizon ish-deputeti./ CNA.al