E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Po paguajnë me jetë dhe para”/ Italia si paralajmërim i frikshëm për Shqipërinë

14 Korrik 2020, 09:17, Politikë CNA

Gazetari Klodian Tomorri shkruan se me anullimin e kontratës koncesionarë të autostradës A10, e cila mirëmbahet me koncesion nga familja Benetton, italianët rrezikojnë të paguajnë 23 miliardë euro familjes Benetton, për prishje të njëanshme të kontratës.

Sipas Tomorri, e njëjta situatë rrezikon të përsëritet edhe në Shqipëri, për shkak të koncesioneve korruptive.

Tomorri thekson se dhënia e të drejtave ekskluzive apo licencave monopol tek bizneset private pa garë dhe përmes procedurave të dyshimta ligjore ka faturë të rëndë.

?Qytetarët italiane mund të detyrohen t?i paguajnë 23 miliardë euro familjes Benetton, nëse qeveria e Romes do të anullojë koncesionin e Autostradës së Luleve.

Dy vjet më parë, e gjitha Italia u trondit nga shembja e një ure në qytetin e Genoas. Pjesë e autostrades A10, e cila mirëmbahet me koncesion nga familja Benetton, ura Morandi u shemb duke shkaktuar 43 viktima dhe mbi 500 të plagosur. Tani, që qeveria italiane po përpiqet të anullojë koncesionin pas zemerimit legjitim te qytetareve, kompania po kercenon me arbitrazh.

Ekspertët në Itali thonë se nëse qeveria e Contes do të miratojë vendimin për heqjen e koncesionit, gjasat janë që buxheti i shtetit të penalizohet. Kontrata e koncesionit i jep kompanisë kauze të fortë në arbitrazh dhe anullimi nga ana e qeverisë do të ishte shkelje e njeanshme. Në fillim të vrasin, pastaj të bejne të paguash. Ose anasjelltas. Kjo është fatura e koncesioneve korruptive.

Ajo që po ndodh në Itali sot është paralajmërimi i asaj qe mund të ndodhë në Shqipëri nesër. Dhënia e të drejtave ekskluzive apo licencave monopol tek bizneset private pa garë dhe përmes procedurave të dyshimta ligjore ka faturë të rëndë. Italianët po e paguajnë me jete dhe me para. Ne kemi filluar ta paguajme me para, shyqyr Zotit, deri tani jo me jetë. Por rreziku është aty. Italia e tregoi.?-shkruan gazetari.