web counter
LEXO PA REKLAMA!

SHKARKO APP

App Store
Google Play

E fundit!

x

Heqja e koalicioneve dhe hapja e listave/ Mediu zbulon “lojën” e Ramës: Fsheh një qëllim tjetër

13 Korrik 2020, 19:24, Politikë CNA

?Tendenca për të ndryshuar kushtetutën, të improvizuar për interesa politike, është një akt i paprecedentë, i cili cënon rëndë organizmin dhe funksionimin e shtetit, e po çon gjithnjë e më tepër në degradim demokracinë shqiptare.?

Kështu deklaroi kryetari i Partisë Republikane Fatmir Mediu, i cili kundërshton propozimin për heqjen e kalicioneve para zgjedhjeve.

?Sipas të gjitha rregullave, jo vetëm kushtetuta nuk ndryshohet por edhe ligjet e garës zgjedhore duheshin përcaktuar shumë kohë më parë. Edi Rama përdor hapjen e listave. Unë jam dakord për hapjen e listave por nga mbrapa fsheh një qëllim tjetër, shmang krijimin e koalicioneve. Duke shmangur krijimin e koalicioneve dhe duke ngritur pragun elektoral, tenton që të skualifikojë defakto 200 mijë vota të shqiptarëve ose më shumë. Është një lloj grabitjeje në tavolinën e zgjedhjeve. E tentoi edhe në vitin 2017 sepse nuk pranoi që të kishte koalicione, dhe kërkon që ta tentoi përsëri?, u shpreh ai në Rtv Ora.

Duke deklaruar se është pro hapjes së listave, Mediu ngre dyshimet se kjo është një lojë e kryeministrit Edi Rama për të shmangur marrëveshjen e 5 qershorit.

?Këta që bëjnë këta propozime, kush nga këta merr 5%? Kërkesa për heqjen e koalicioneve dhe e rritjes së pragut 5%, është një kërkesë e hershme e Edi Ramës. Ç?lidhje kanë këta deputetë që të kërkojnë heqjen e koalicioneve? Vetëm i përgjigjen urdhrit dhe interesit të Edi Ramës. Ç?lidhje ka që këta deputetë kërkojnë rritjen e pragut në 5%, në një kohë që historia elektorale e zgjedhjeve në Shqipëri, ka treguar që vetëm dy partitë kryesore kanë dalë mbi 5%, ose mund të ketë pasur një moment të caktuar kur mund ta ketë kaluar ndonjë parti tjetër?, theksoi ai./ CNA.al





Lajmet e fundit nga