web counter
LEXO PA REKLAMA!

SHKARKO APP

App Store
Google Play

Meta uron Macron për Festën Kombëtare të Francës/ I bën ftesë për të vizituar Shqipërinë

14 Korrik 2020, 08:24, Politikë CNA

Presidenti Ilir Meta ka uruar presidentin frances Emmanuel Macron me rastin e Festës Kombëtare të Francës, Ditës së Bastijës.
Meta ka shprehur gjithashtu mirënjohjen e thellë për ndihmën e madhe që Franca po i jep Shqipërisë në kuadër të procesit të integrimit në Bashkimin Evropian.

Gjithashtu presidenti i ka bërë ftesë Macron për të vizituar Shqipërinë në një kohë më tëpërshtatshme.

?I nderuar Zoti President, Emmanuel Macron
Me rastin e Festës Kombëtare të Francës, Ditës së Bastijës, më lejoni të shpreh në emrin tim dhe të popullit shqiptar, urimet më të ngrohta e të sinqerta për Ju dhe popullin mik francez.
Marrëdhëniet tradicionalisht shumë të mira midis dy vendeve dhe popujve tanë kanë krijuar një bazë solide miqësie e partneriteti për të ardhmen.
Jam i bindur se, falë vullnetit dhe përpjekjeve të përbashkëta, bashkëpunimi ndërmjet Francës dhe Shqipërisë do të forcohet edhe më shumë në të gjitha fushat.
Përfitoj nga rasti të shpreh gjithashtu mirënjohjen e thellë për ndihmën e madhe që Ju dhe Franca po i jepni Shqipërisë në kuadër të procesit të integrimit në Bashkimin Evropian.
Mbështetja Juaj dhe e një vendi mik si Franca, si dhe metodologjia e re e zgjerimit, janë inkurajim dhe motivimi i duhur për ne për të vijuar me vendosmëri përmbushjen e reformave që do të mundësojnë çeljen e negociatave të anëtarësimit.
Duke shprehur dhe një herë urimet më të mira për Ju, për zhvillimin e përparimin e mëtejshëm të Francës, si dhe dëshirën time për t?Ju mirëpritur në Shqipëri në një kohë të përshtatshme, ju lutem Zoti President, pranoni shprehjen e konsideratës sime më të lartë?, shkruan Meta.





Lajmet e fundit nga