web counter
LEXO PA REKLAMA!

SHKARKO APP

App Store
Google Play

Në Parlament ka vetëm 82 deputetë legjitimë/ Presidenti kundër ndryshimeve kushtetuese

14 Korrik 2020, 15:39, Politikë CNA

Presidenti Ilir Meta ka reaguar pas miratimit të ndryshimeve kushtetuese nga Komisioni i Ligjeve.

Në një deklaratë për mediat, të shpërndarë në rrjetet sociale nga zëdhënësi Tedi Blushi, Meta thotë se në Parlament ka vetëm 82 deputetë legjitimë.

Kreu i Shtetit kërkon që t?i jepet fund marrëzive dhe thekson se e ardhmja europiane e Shqipërisë është alternativa e vetme e të gjithë qytetarëve të këtij vendi.

?Lidhur me lajmet e fundit për disa ndryshime kushtetuese, Presidenti i Republikës Sh.T.Z Ilir Meta thekson se Kuvendi aktual ka vetëm 82 deputetë legjitimë, ku përfshihen edhe tre deputetët të cilët nuk pranuan të dorëhiqeshin pas vendimit të Opozitës së Bashkuar.

182 deputetë dhe kandidatë për deputetë të partive opozitare refuzuan të ishin pjesë e Kuvendit. Edhe pse shteruan të gjitha listat e partive opozitare prej 18 muajsh, Kuvendi ka formalisht vetëm 122 deputetë nga 140 deputetë që është detyrimi kushtetues. Procesi i zëvendësimit ka qenë haptas antikushtetues dhe antiligjor.

Ndaj është koha t’i jepet fund çdo marrëzie, fundi i së cilës dihet qartë. E ardhmja europiane e Shqipërisë është alternativa e vetme e të gjithë qytetarëve të këtij vendi. Të gjithë të distancohen nga aventurierët dhe Haxhi Qamilët! Shqipëria e para! Shqipëria si gjithë europa!?, thuhet në deklaratën e Metës./ CNA.al





Lajmet e fundit nga