E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Situata e Covid-19/ Avokati i Popullit thirrje Ministrisë së Shëndetësisë: Testo qytetarët

26 Qershor 2020, 10:31, Aktualitet CNA

Ndërsa në vendin tonë vijon të rritet numri i personave të prekur nga Covid-19, Avokati i Popullit kërkon nga ministria e Shëndetësisë që të rrisë numrin e testimeve të popullsisë dhe qytetarëve t’u garantohet e drejta për analizën për COVID.

“Institucioni i Avokatit të Popullit e vlerëson të drejtën për t?u diagnostikuar dhe për të marrë trajtim mbi bazën e testimeve, si një të drejtë të njohur nga ligji. Rezulton se kjo e drejtë nuk mundësohet për qytetarët në masën e nevojshme por është e kufizuar vetëm në domosdoshmëri.

Duke iu referuar nenit të Kushtetutës së vendit i cili sanksionon se ?shtetasit gëzojnë në mënyrë të barabartë të drejtën për kujdes shëndetësor nga shteti?, si dhe ligjeve për ?Shëndetin publik?, Avokati i Popullit i ka rekomanduar Ministrisë së Shëndetësisë që të marrë masa të menjëhershme për gjetjen e mundësive për shtrirjen masive dhe kryerjen e testeve të qytetarëve për COVID-19 në përputhje me modelin e ofrimit të shërbimit shëndetësor në vend për çdo shërbim mjekësor e duke zbatuar udhëzimet e OBSH-së” thuhet në deklaratë.

Gjithashtu Avokati i Popullit ka kërkuar informim dhe transparencë më të mirë në lidhje me sasitë e tamponëve testues dhe kapacitetin për testuar si dhe garantimin e të drejtës për testim të çdo qytetari shqiptar. Aktualisht testimi bëhet vetëm për personat që e vlerëson ISHP.