web counter
LEXO PA REKLAMA!

SHKARKO APP

App Store
Google Play

E fundit!

x

Reforma Zgjedhore/ Hajdari: PD nuk pranoi të ndryshohet sistemi, por ka ende shpresë

24 Qershor 2020, 20:08, Politikë CNA

Bashkëkryetarja e Komisonit të Reformës Zgjedhore, Rudina Hajdari, tregoi pak momente më parë se Partia Demokratike nuk ka rënë dakord për të ndryshuar sistemin zgjedhor.

Hajdari deklaroi në një prononcim për mediat se ka ende shpresë për ndryshimin e sistemit dhe se opozita parlamentare do të qëndrojë e pandryshuar në kërkesën e saj.

“Në momentin që i gjithë drafti që është rënë dakord  do të fusim edhe elementët e ndryshimit të sistemit. PD në fakt nuk pranoi të kishim një dakordësi për ndryshimin e sistemit. Ka ende shpresë për sa i përket ndryshimit të sistemit dhe qëndrojnë stoik në këtë kërkesë dhe do e shtrojmë në momentin që kjo marrëveshje do vijë në komision ku kemi një të drejtë vetoje. Do i shqyrtojmë të gjitha propozimet e ardhura nga kjo marrëveshje dhe do të shtojmë ato elementë që opozita parlamentare do që të fusë në këtë draft.

Kjo do të arrihet sepse votat janë të unifikuara të opozitës parlamentare dhe kemi kërkesë për të bërë ndryshime kushtetuese. Pa këto element do të jemi prapë në vend numëro dhe do të kemi një marrëveshje që u bë vetëm për të bërë disa kërkesa elementare. Ajo që u bë në tryezë ishte vullnet i qartë politik për të pasur votën e diasporës dhe në këto momente ne kemi futur dy nene të posaçme qe ia japin KQZ të drejtën për ta realizuar këtë gjë. Ekspertët më thanë se kjo mund të realizohet për zgjedhjet e 2021”, theksoi deputetja./ CNA.al





Lajmet e fundit nga