E fundit!

21:15 Aktualitet

"Një çoban e denoncoi"/ Si ra policia e Korçës në gjurmët e autorit të vrasjes së efektivit

Gazetarja Glidona Daci, në një lidhje me emisionin Opinion...

Ylli Manjani në krah të Saimir Tahirit/ Nuk u provuan akuzat, drejtësia s’bëhet me show

24 Qershor 2020, 13:07, Politikë CNA

Ish-ministri i Drejtësisë në qeverinë ?Rama1?, Ylli Manjani ka reaguar në lidhje me proçesin gjyqësor ndaj ish-ministrit të Brendshëm, Saimir Tahiri.

Në një postim në rrjetet sociale, Manjani shkruan se drejtësia e vërtetë të provon dhe të gjykon për pasojat që sjell veprimi ose mosveprimi dhe sipas tij, në rastin e Tahirit, drejtësia qartësisht nuk i provoi lidhjet e detyrës së “shpërdoruar” me drogën.

?Kam thënë dhe vijoj ta them se dënimi për shpërdorim të detyrës,kur nga shpërdorimi nuk ka pasojë, quhet BOLSHEVIZËM ligjor.

Jam i bindur në këtë llogjikë.

Lexojeni Kodin Penal dhe do bindeni që është kështu.

Zyrtari publik kur e shpërdoron detyrën nuk e bën për fiksim as si qëllim në vetvete, por për të arritur një pasojë të paligjshme. Ky është kuptimi ligjor i kësaj vepre penale.

Në fakt drejtësia e vërtetë të provon dhe të gjykon për pasojat që sjell veprimi ose mosveprimi. Shpërdorimi i detyrës në vetvete nuk është as qëllim e as pasojë, por mund të jetë një mjet për të arritur një pasojë kriminale.

Këtij kuptimi duhet ti qëndrojë çdo arsyetim apo interpretim ligjor.

Në rastin Tahiri, meqë ka kuriozitet këto ditë, llogjika është njësoj. Ose Ai shpërdoroi detyrën dhe lejoi drogën, ose nëse nuk provohet pasoja ska më asnjë kuptim shpërdorimi i detyrës.

Kjo është llogjikë, jo pasion. Aq më pak politikë… Po të ishte për politikë mund të hidha dhe unë një dorë baltë.

Drejtësia qartësisht nuk i provoi lidhjet e detyrës së “shpërdoruar” me drogën. Ndaj nuk ka llogjikë të fortë ligjore dënimi për detyrën, sepse pasoja nuk u provua.?-shkruan Ylli Manjani.

Gjithashtu ai thekson se drejtësia as integrimi nuk bëhen me shoë pa lidhje llogjike dhe qasje të drejtë.

?I qëndroj kësaj pikpamje edhe për të përçudnuar të tjerë nga llogjika bolshevike e zbatimit të Kodit Penal.

I qëndroj jo për politikë, por për drejtësi!

Drejtësia as integrimi nuk bëhen me shoë pa lidhje llogjike dhe qasje të drejtë.

E përsëris asnjë qëllim apo kuptim politik ka ky mendim që e kam shprehur në mënyrë konstante.?-përfundon postimin e tij ish-ministri./ CNA.al