web counter
LEXO PA REKLAMA!

SHKARKO APP

App Store
Google Play

E fundit!

x

Shënim/ Lulzim Basha prej tre vitesh nuk shkel në SHBA

24 Qershor 2020, 09:38, Politikë CNA

Janë gati tre vite dhe disa javë më shumë nga një fakt i padiskutueshëm që Lulzim Basha nuk shkel dot në Shtetet e Bashkuara të Amerikës.

Pas fotos me presidentin Donald Trump në maj të vitit 2017, Luli nuk mundi më të shkelë në SHBA.

Së pari janë hapur hetime dhe është përfshirë në skandal në lidhje me financimet dhe lobimet e tij përtej Atlantikut, të përfshira në një off shore rus dhe gjithashtu hetimi nga FBI-ja i mikut të tij Alptekin dhe disa zyrtarë të cilët kërkonin rrëmbimin e klerikut Fetullah Gylen, ka bërë që Basha të mos shkojë dot në SHBA.

Megjithëse në media janë publikuar shpesh kontrata të ndryshme lobimi, Luli nuk shkel dot në SHBA.

U tha se do të ikte pas zgjedhjeve, u tha se do të ikte në 2019, por nuk shkoi.

Më pas u tha se vizita ishte shtyrë për në muajin dhjetor, por iku dhjetori, iku edhe janari dhe ai nuk ka zhvilluar ende asnjë vizitë në SHBA. Në dhjetor u justifikua me tërmetin, ndërsa tani justifikohet me pandeminë. Por, fakti është një dhe vetëm një, prej tre vitesh nuk ka shkelur në SHBA, gjë që të çon në dyshime se ka një arsye madhore se pse Lulzim Basha nuk ikën dot në SHBA.

Problemet dhe hallet që ka, ai i di më mirë se të tjerët. Tani po përpiqet që të justifikojë, por e vërteta është e padiskutueshme. Prej tre vitesh ai nuk ka shkelur dot në SHBA.

Në të ardhmen mund të shkojë, por varet se çfarë do të ndryshojë. Por, prej tre vitesh nuk ka shlelur në SHBA./ CNA.al





Lajmet e fundit nga