E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

A mund ta shpëtojnë disa kufoma politike Lulzim Bashën?!

24 Qershor 2020, 10:35, Politikë CNA

Kreu u Republikës së re, Lulzim Basha po përpiqet t?iu hedhë hy syve demokratëve, me gjoja një hapje, me gjoja afrim të kontributeve, apo se listat do t?i zgjedhin demokratët se do të ketë një garë brenda partisë, e të tjera si këto.

Në fakt e gjitha është një lojë e Lulzim Bashës, për të justifikuar kandidatët që ai do t?i vërë vetë dhe gjoja për të marrë konsensus të gjërë dhe nesër në rast humbje, për të thënë se ?shiko se njerëzit i zgjodhët ju, nuk e kam fajin unë?.

Në fakt ata që do të votojnë sot në bazën e PD-së, janë të gjithë njerëzit e Lulzim Bashës. Janë të gjithë servilat dhe ushtarët e tij.

Pra, Lulzim Basha nuk po bën asgjë tjetër. Në shtatë vite sakataoi dhe masakroi, bazën dhe elitën e partisë, e zhduku atë dhe po të shikoni rreth Lulit ka vetëm një çetë me servila dhe karagjozë publikë, të cilët tani do ti nxjerrë në një votim me listë, gjoja në garë brenda partisë, dhe do t?i vendosë në krye të listave, siç bëri rreth katër vite më parë.

Kështu do të bëjë me Ervin Salianjin, me Grida Dumën apo me çunin e Fahriut, apo me pjesën tjetër të kësaj liste.

Megjithëse nga lista e 2017, shumica e atyre që kanë qënë sërish do të votohen dhe pa diskutim me detyrën që kanë bërë në katër vite, do ta meritojnë fitoren në garën formale që gjoja do të bëhet më tej.

Pa folur këtu për ata që kanë ngelur sot në parlament, të cilët Lulzim Basha i shiti atëherë si fitore e madhe dhe rikthim i vlerave, siç është rasti i Rudina Hajdarit, por që më pas e ?pushkatoi? dhe e shpalli armike.

Tani nuk do të kandidojë Rudina, as ata ?shpëtimtarët? e mëdhenj të asaj kohe të listës Basha, të famshmes të Republikës së re, por ka gjetur një stil tjetër.

Do të fusë në garë ata që prej gati shtatë vitesh i nxori në skenën politike. Të gjithë zarët e tij, dhe do t?i hedhë me shansin që të ketë një shesh besh. Por, vështirë se mund të fitojë me këto skema dhe duke gjetur disa kufoma politike lart e poshtë, për t?i shitur si vlera të demokratëve.

Një tufë me pensionistë të dështuar nuk mund të jenë shpresa e e hapjes dhe bashkimit të PD-së.

PD-ja duhet të hapet me parime, me garanci statutore dhe me vlera. Dhe jo me qoka dhe me pazare personale,. Kështu, thjeshtë dhe vetëm bëhet edhe më keq dhe pasojat janë edhe më të mëdha.

Hapja bëhet me fakte, me vlera publike dhe me rezultate konkrete.

Por, ka edhe një detaj. Kjo është pseudohapje, sepse demokratët nuk e besojnë më tek ai dhe nuk kanë garanci./ CNA.al