web counter
LEXO PA REKLAMA!

SHKARKO APP

App Store
Google Play

PS plotëson kërkesat e opozitës për Zgjedhoren/ Gjiknuri: Për dy-tre ditë teksti i dërgohet Kuvendit

24 Qershor 2020, 20:00, Politikë CNA

Bashkëkryetari i Komisionit të Reformës Zgjedhore, Damian Gjiknuri, ka dhënë një prononcim për mediat pas përfundimit të tryezës.

Gjiknuri tha se palët sot arritën një dakordësi dhe se puna e Këshilit Politik ka përfunduar. Ai theksoi se brenda 2-3 ditësh teksti do të dërgohet në Kuvend.

Gjithashtu socialisti tregoi se Këshilli Politik do të mblidhet edhe një herë tjetër për të diskutuar për financimin dhe referendumet.

“Plotësuam kërkesat që kishte opozita për ato garanci që kanë ekzistuar në ligjin aktual. Për ne është e rëndësishme që  ligji zgjedhor të reflektojë frikat e opozitës që të hyjnë në zgjedhje të gjithëpranuara. Për këto dy-tre ditë teksti i dërgohet Kuvendit, nuk ka më debate janë vetëm çështje teknike.  E rëndësishme është që kemi një ligj zgjedhor të gjithë pranuar, jo më i mirë por që rregullat e lojës të jenë pranuar nga palët. U la që përzgjedhja të bëhet në Kuvend ku opozita do të ketë një të dërguar të saj që të bëjë përzgjedhjen. Ai do të ketë të drejtën e përjashtimit apo përzgjedhjes në një grup personash.  Për kodin zgjedhor Këshilli Politik e mbylli punën, por do të mblidhet për  financimin dhe referendumet, vota e emigrantëve është një e drejtë e garantuar”, deklaroi Gjiknuri./ CNA.al





Lajmet e fundit nga