web counter
LEXO PA REKLAMA!

SHKARKO APP

App Store
Google Play

E fundit!

x

Skandali/ Tatimet mbysin biznesin me gjoba

12 Qershor 2020, 11:52, Politikë CNA

Në muajin mars 2020, qeveria shqiptare deklaroi se do të ketë një sërë lehtësirash, për bizneset të cilat do të mbylleshin për shkak të situatës së krijuar nga pandemia e Covid-19.

Kështu, thuhej se nuk do të kishte penalitete për deklarim të vonuar të çdo deklarate të kërkuar nga legjislacioni për periudhat tatimore të zgjatjes së gjendjes së emergjencës.

Në këtë mënyrë, thuhej se bizneset që janë mbyllur nga masat e marra në pamundësi të dorëzimit të deklaratave në kohë, do të ?shkarkohen? nga përgjegjësia e pagesave të penaliteteve gjatë kësaj periudhe.

Po ashtu thuhej se për bizneset e prekura, sipas nenit 77 të ligjit, bazuar në kërkesën e tatimpaguesit, Administrata Tatimore do të vendoste shtyrjen e afatit për pagesën e detyrimeve tatimore të deklaruara nga këto biznese. Në nen citohet se ?Kur një rrethanë financiare pengon tatimpaguesin për të paguar në afat detyrimet tatimore, ai mund të lejohet të lidhë në çdo kohë marrëveshje pagese me këste?.

Edhe vetë kryeministri Edi Rama ka deklaruar  se nuk do të ketë gjoba për shkak të vonesave dhe mospagimi i kësteve të tatim-fitimit për shkak të situatës së koronavirusi. Pas tij e ka thënë edhe ministri Arben Ahmetaj disa herë në studiot televizive.

Gjithashtu të njëjtën gjë e ka thënë edhe ministrja e Financave, Anila Denaj.

Por, duket se Tatimet, sikur nuk janë pjesë e financave të këtij shteti, dhe i janë vërsulur biznesit me gjoba në sistem.

Të gjithë bizneset që nuk kanë paguar për shkak të situatës së Covid-19 dhe rreth tre muaj mbyllje, që është fakt i parë dhe i dëgjuar nga të gjithë shqiptarët, sot Tatimet iu bien me shkop rrotës, duke bërë kështu një kosto kriminale ekonomike. Pavarësisht se janë goditur nga pandemia dhe kanë rreth tre muaj mbyllur, Tatimet i janë vërsulur biznesit me gjoba.

Pra, kanë tre muaj mbylur, kanë humbur qindra milionë lekë dhe sot marrin edhe gjoba , për shkak të mospagimit të kësteve, ndërkohë që vetë kreu i qeverisë kishte deklaruar se nuk do të kishte gjoba./ CNA.al





Lajmet e fundit nga